Sanuali 29–Fepueli 4
SIOPE 40-42
Hiva 124 mo e Lotu | Lea Kamata (1 min.)
1. Lēsoni mei he Hokosia ʻa Siopé
(10 min.)
Lāuʻilo ko e anga hoʻo fakakaukaú ʻoku fakangatangata pē ʻi hono fakahoa atu ki he anga ʻo e fakakaukau ʻa Sihová (Siope 42:1-3; w10 10/15 3-4 ¶4-6)
Loto-lelei ke tali ʻa e akonaki meia Sihova mo ʻene kautahá (Siope 42:5, 6; w17.06 25 ¶12)
ʻOku fakapaleʻi ʻe Sihova ʻa e faʻahinga ʻoku nofoʻaki mateaki kiate iá neongo ʻa e ʻahiʻahí (Siope 42:10-12; Sēm. 5:11; w22.06 25 ¶17-18)
Naʻe fakapaleʻi ʻe Sihova ʻa Siope koeʻuhí ko ʻene anga-tonú
2. Makakoloa Fakalaumālie
(10 min.)
-
Siope 42:7—Ko hai moʻoni ʻa e tokotaha naʻe lea fakafepaki ki ai ʻa e ngaahi kaungāmeʻa ʻe toko tolu ʻo Siopé, pea ʻe lava fēfē ke tokoniʻi kitautolu ʻe he ʻilo ko ení ke kātekina ʻa e manukí? (it-2 808)
-
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Siope 42:1-17 (th ako 11)
4. Kamataʻi ha fetalanoaʻaki
(3 min.) FALE KI HE FALE. Ko e tokotahá ʻoku ʻikai ko ha Kalisitiane. (lmd lēsoni 5 poini 3)
5. Ngaohi Ākonga
6. Malanga
(4 min.) lmd fakamatala fakalahi A poini 2—Kaveingá: Ko e Māmaní ʻE ʻIkai ʻAupito ke Fakaʻauha. (th ako 13)
Hiva 108
7. Tokoniʻi ʻa e Niʻihi Kehé Ke Nau Ongoʻi e ʻOfa ʻa Sihová
(15 min.) Fetalanoaʻaki.
ʻOku tau fiefia ke lotu ki ha ʻOtua ʻa ia ko hono ʻulungaanga tefitó ko e ʻofá. (1 Sio. 4:8, 16) Ko e ʻulungaanga anga-ʻofa ʻo Sihová ʻokú ne tohoakiʻi kitautolu kiate ia pea ueʻi kitautolu ke nofo ofi kiate ia. ʻI he tuʻunga ko e fanga sipi ʻa Sihová, ʻoku tau ongoʻi kotoa ʻoku ʻofaʻi kitautolu ʻe Sihova.
ʻOku tau fai hotau lelei tahá ke tapua atu e ʻofa ʻa Sihová ʻi he anga ʻetau fakafeangai ki hotau fāmilí, kaungālotú mo e niʻihi kehé. (Siope 6:14; 1 Sio. 4:11) ʻI hono fakahāhā ʻa e ʻofá, ʻoku tau tokoniʻi ai ʻa e niʻihi kehé ke nau ʻiloʻi ʻa Sihova pea ʻunuʻunu ofi kiate ia. ʻI hono kehé, kapau ʻoku ʻikai ke tau fakahāhā ʻa e ʻofá ki he niʻihi kehé, ʻe faingataʻa nai ke nau ongoʻi e ʻofa ʻa Sihová.
Huluʻi e VITIŌ Naʻá Ma Maʻu ʻa e ʻOfa Faka-Kalisitiané ʻi he Fāmili ʻo Sihová. ʻEke leva ki he kau fanongó:
Ko e hā naʻá ke ako mei he hokosia ʻa Lei Lei mo Mimi fekauʻaki mo e mahuʻinga ʻo hono fakahāhā ʻa e ʻofá?
Ko e hā ʻe lava ke tau fai ke tokoniʻi hotau kaungālotú ke nau ongoʻi e ʻofa ʻa Sihová?
-
Vakai kiate kinautolu ko e fanga sipi mahuʻinga ʻa Sihova.—Saame 100:3
-
Lea ʻi ha founga ʻe fakalototoʻaʻi ai kinautolu.—ʻEf. 4:29
-
Fakafeangai kiate kinautolu ʻi he kaungāongoʻi.—Māt. 7:11, 12
