Sanuali 8-14
SIOPE 34-35
Hiva 30 mo e Lotu | Lea Kamata (1 min.)
1. ʻI he Hā Ngali ʻOku Hoko ʻa e Ngaahi Meʻa Koví ki he Kakai Leleí
(10 min.)
Manatuʻi ʻoku ʻikai ʻaupito ko Sihova ʻa e Matavai ʻo e fakamaau taʻetotonú (Siope 34:10; wp19.1 8 ¶2)
ʻOku hā ngali ko e kau fulikivanú ʻoku ʻikai ke tauteaʻi ʻenau ngaahi tōʻonga taʻetotonú; kae kehe, heʻikai lava ke nau toi meia Sihova (Siope 34:21-26; w17.04 10 ¶5)
Ko e founga lelei taha ke tokoniʻi ʻa e faʻahinga ʻoku maʻukovia ʻe he fakamaau taʻetotonú ko hono akoʻi kinautolu fekauʻaki mo Sihova (Siope 35:9, 10; Māt. 28:19, 20; w21.05 7 ¶19-20)
2. Makakoloa Fakalaumālie
(10 min.)
Siope 35:7—Ko e hā naʻe ʻuhinga ki ai ʻa ʻIlaiū ʻi heʻene ʻeke kia Siope: “Ko e hā ʻokú ne [ʻOtuá] maʻu meiate koé?” (w17.04 29 ¶3)
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Siope 35:1-16 (th ako 10)
4. Kamataʻi ha Fetalanoaʻaki
(3 min.) FALE KI HE FALE. Tuʻuaki ha ako Tohi Tapu. (lmd lēsoni 10 poini 3)
5. Kamataʻi ha Fetalanoaʻaki
(4 min.) FOUNGA ʻIKAI ANGA-MAHENI. Fakahaaʻi ki ha tokotaha ʻoku ʻi ai haʻane fānau iiki ʻa e founga ke maʻu ai ʻa e ngaahi fakamatala ʻoku ʻaonga ki he ngaahi mātuʻá ʻi he jw.org. (lmd lēsoni 1 poini 4)
6. Ngaohi Ākonga
(5 min.) lff lēsoni 13 poini 5 (lmd lēsoni 11 poini 3)
Hiva 58
7. ʻOkú Ke Maʻu ʻa e Holi ke “Malangaʻi ʻa e Folofolá” ʻi he Founga ʻIkai Anga-Mahení?
(15 min.) Fetalanoaʻaki.
Naʻe enginaki ʻa Paula kia Tīmote: “Malangaʻi ʻa e folofolá; fai fakavavevave ia.” (2 Tīm. 4:2) Ko e foʻi veape faka-Kalisi naʻe liliu ko e “fai fakavavevave ia” naʻe ngāueʻaki ia ʻi he taimi ʻe niʻihi ʻo ʻuhingá ki ha sōtia pe kaʻate ʻi hono tuʻuʻangá ʻa ia naʻá ne mateuteu maʻu pē ke fai ha ngāue. ʻOku fakamatalaʻi lelei ʻe he kupuʻi leá ʻetau holi ke mateuteu maʻu pē ke faifakamoʻoni ʻi heʻetau talanoa mo e kakaí.
Ko ʻetau ʻofa kia Sihová mo e houngaʻia ki he meʻa kotoa kuó ne fai maʻatautolú ʻokú ne ueʻi kitautolu ke talanoa ki he niʻihi kehé fekauʻaki mo hono ngaahi ʻulungaanga fakaʻofoʻofá.
Lau ʻa e Saame 71:8. ʻEke leva ki he kau fanongó:
Ko e hā ʻa e ngaahi meʻa lelei fekauʻaki mo Sihova ʻokú ke saiʻia ke vahevahe ki he niʻihi kehé?
Ko ʻetau ʻofa ki he kakaí ʻokú ne ueʻi foki kitautolu ke tau faifakamoʻoni ʻi he founga ʻikai anga-mahení.
Huluʻi e VITIŌ Founga Naʻe Maʻu Ai ʻe he Lauingeau ʻa e Moʻoni Fakatohitapú. ʻEke leva ki he kau fanongó:
Naʻe anga-fēfē tokoni ʻa e faifakamoʻoni ʻi he founga ʻikai anga-mahení ke maʻu ai ʻe he lauingeau ʻa e moʻoni Fakatohitapú?
Naʻe anga-fēfē maʻu ʻaonga ʻa e faʻahinga ko eni naʻa nau kau ki ha lotu kehe ki muʻá mei hono ako ʻa e moʻoní?
ʻOku anga-fēfē hono ueʻi kitautolu ʻe he ʻofa ki he kakaí ke tau faifakamoʻoni ʻi he founga ʻikai anga-mahení?
Ko e hā ko ha founga ola lelei ai ʻa e faifakamoʻoni ʻi he founga ʻikai anga-mahení ki hono tokoniʻi ʻa e niʻihi kehé ke nau hoko ʻo ʻiloʻi ʻa Sihová?
8. Ako Tohi Tapu ʻa e Fakatahaʻangá
(30 min.) lff lēsoni 35
