‘UHINGA ‘OKU MAHU‘INGA AÍ: Ko e ngaahi fakatahá ‘oku fai ai ‘a e ngaahi feohi hokohoko ke “hiva kia Jihova” pea “fakamalo kiate ia.” (Saame 149:1, PM) ‘I he ngaahi fakatahá, ‘oku ako‘i kitautolu ke fai ‘a e finangalo ‘o e ‘Otuá. (Saame 143:10) Ko e fa‘ahinga mahu‘inga‘iá mo e kau ako Tohi Tapú ‘oku nau fai ha ngaahi fakalakalaka lahi ange ‘i he‘enau kamata pē ke ma‘u ‘a e fakatahá.

FOUNGA HONO FAI IÁ:

• Fakaafe‘i leva ‘i he vave taha ‘oku ala lavá. ‘Oku ‘ikai fiema‘u ke tatali ke toki fokotu‘u ha ako Tohi Tapu.—Fkh. 22:17

• Fakamatala ki he tokotaha mahu‘inga‘iá ‘a e me‘a ‘oku fai aí mo e me‘a ‘e lāulea ki ai ‘i he fakataha hono hokó. Ko e ngaahi me‘a eni ‘oku lava ke tokoni ‘i he tafa‘aki ko ení: ko e tohi fakaafe ki he fakataha ‘a e fakataha‘angá, ko e vitiō Ko e Hā ‘Oku Fai ‘i ha Fale Fakataha‘anga? mo e lēsoni 5 mo e 7 ‘o e polosiua Finangalo ‘o Sihová

• Fai ha Tokoni. ‘E fiema‘u ‘e he tokotaha mahu‘inga‘iá ha me‘alele pe ko ha tokoni ki he teunga ‘oku taau ke ‘aí? Tangutu ‘i hono tafa‘akí ke mo sio ‘i ho‘o tohí. Fakafe‘iloaki ia ki he ni‘ihi kehé