Hili hono fafanga fakaemana ‘e Sīsū ‘a e kakai tangata ‘e toko 5,000 fakataha mo e kakai fefine mo e fānaú, na‘á ne tala ki he‘ene kau ākongá: “Tānaki fakataha ‘a e mapakipaki‘i mā ‘oku toé, ke ‘oua ‘e maumau ha me‘a.” (Sione 6:12) Na‘e fakahaa‘i ‘e Sīsū ‘a e hounga‘ia ‘i he ngaahi tokonaki ‘a Sihová ‘aki hono ‘ikai maumau‘i kinautolu.

‘I onopooni, ‘oku feinga ‘a e Kulupu Pulé ke fa‘ifa‘itaki kia Sīsū ‘i hono ngāue fakapotopoto‘aki ‘a e ngaahi koloa kuo foaki lī‘oá. Ko e fakatātaá, ‘i hono langa ‘a e ‘ulu‘i ‘apitanga he māmaní ‘i Warwick, Niu ‘Ioke, na‘e fili ‘e he fanga tokouá ‘a e palani langa ‘e ngāue lelei taha ‘aki ai ‘a e pa‘anga tokoní.

‘E LAVA FĒFĒ KE TAU FAKA‘EHI‘EHI MEI HE MAUMAU ME‘Á . . .

• ‘i he taimi ‘oku tau ‘i he ngaahi fakataha faka-Kalisitiané aí?

• ‘i he taimi ‘oku tau ma‘u ai ha ‘ū tohi ke tau ngāue‘aki fakafo‘ituituí? (km 5/09 3 ¶4)

• ‘i he taimi ‘oku tau ‘ave ai ha ‘ū tohi ke ngāue‘aki ‘i he ngāue fakafaifekaú? (mwb17.02 “Ngāue Fakapotopoto‘aki ‘a e ‘Ū Tohi Fakatohitapú” ¶1)

• ‘i he taimi ‘oku tau kau ai ‘i he ngāue fakafaifekaú? (mwb17.02 “Ngāue Fakapotopoto‘aki ‘a e ‘Ū Tohi Fakatohitapú” ¶2 mo e puha)