7:15-18, 28, 29; 8:29

‘I he kotoa ‘o e me‘a na‘e lea‘aki mo fai ‘e Sīsuú, na‘á ne fakalāngilangi‘i ai ‘ene Tamai fakahēvaní. Na‘e fiema‘u ‘e Sīsū ke ‘ilo ‘e he kakaí ko ‘ene pōpoakí na‘e ha‘u ia mei he ‘Otuá. Ko ia na‘á ne ‘ai ‘a e Tohi Tapú ko e makatu‘unga ia ki he‘ene faiakó pea fa‘a to‘o lea mei ai. ‘I hono fakahīkihiki‘i ‘o Sīsuú, na‘á ne afe‘i ‘a e fakahīkihikí meiate ia ‘o fakahanga ia kia Sihova. Ko ‘ene tokanga tefitó ke fakahoko ‘a e ngāue na‘e ‘oange ‘e Sihova ke ne faí.—Sione 17:4.

‘E lava fēfē ke tau fa‘ifa‘itaki kia Sīsū ‘i he . . .

• faiako ‘i ha ako Tohi Tapu pe mei he peletifōmú?

• fakahīkihiki‘i kita ‘e he ni‘ihi kehé?

• fili ki he founga ke ngāue‘aki ai hotau taimí?