Kuo pau ki ha tokotaha sipoti ke fakamālohisinoʻi hokohoko hono ngaahi uouá ke hoko ʻo kaukaua. ʻI he tuʻunga meimei tatau kuo pau ke tau ngāue hokohoko ke akoʻi mo tauhi maʻu ʻetau mafai ʻiloʻiló. (Hep. 5:14) Neongo ʻoku tau hehema nai ke faʻifaʻitaki ki he ngaahi fili ʻa e niʻihi kehé ka kuo pau ke tau ako ke fakakaukau pea fai ʻetau fili fakafoʻituituí. Ko e hā hono ʻuhinga? He ko e tokotaha taki taha ʻo kitautolu te tau fai ha tali ki heʻetau ngaahi filí tonu.​—Loma 14:12.

ʻOku ʻikai totonu ke tau fakakaukau te tau fai ʻa e ngaahi fili lelei koeʻuhi pē kuo tau papitaiso ʻi ha ngaahi taʻu lahi. Ke fai ha ngaahi fili fakapotopoto kuo pau ke tau falala kakato kia Sihova, ko ʻene Folofolá, mo ʻene kautahá.​—Sios. 1:7, 8; Pal. 3:5, 6; Māt. 24:45.

SIO ʻI HE VITIŌ “TAUHI MAʻU HA KONISĒNISI LELEI,” PEA TALI LEVA ʻA E NGAAHI FEHUʻI KO ENÍ:

• Ko e hā ʻa e fili naʻe fiemaʻu ke fai ʻe ʻEmá?

• Ko e hā ʻoku totonu ai ke tau fakaʻehiʻehi mei hono fakahaaʻi ʻetau vakai fakafoʻituituí ʻi he fekauʻaki mo ha fili fakakonisēnisi?

• Ko e hā ʻa e faleʻi ʻaonga naʻe vahevahe ange ʻe ha ongo mātuʻa kia ʻEma?

• Naʻe maʻu mei fē ʻe ʻEma ʻa e tokoni ʻaonga ʻo fekauʻaki mo e fili naʻá ne fehangahangai mo iá?