Ko e moʻui ʻi he ngaahi ʻaho fakaʻosí ʻoku fonu faingataʻa. ʻI heʻetau ofi ki he ngataʻanga ʻo e fokotuʻutuʻu ko ení, ʻe toe fakautuutu ange ʻa e faingataʻá. ʻE ʻi ai nai ʻa e taimi heʻikai ke tau maʻu ha ngaahi meʻa fakamatelie. (Hap. 3:16-18) Ko e hā ʻe lava ke ne tokoniʻi kitautolu ke tau fekuki mo e faingataʻa fakaʻekonōmiká fakataha mo e tuipau? Kuo pau ke hokohoko atu ʻetau falala ki hotau ʻOtuá, ʻa Sihova. Kuó ne talaʻofa mai te ne tokangaʻi ʻene kau sevānití, pea ʻoku malava ke ne tokonaki maʻa kitautolu ʻi ha faʻahinga tuʻunga pē.​—Saame 37:18, 19; Hep. 13:5, 6.

Meʻa ʻe lava ke ke faí:

• Kōlenga kia Sihova ki ha tataki, poto, pea mo ʻene tokoní.​—Saame 62:8

• Loto-lelei ke tali ha ngāue naʻe teʻeki ai ke ke fai ki muʻa.​—g 1/10 8-9, puha

• Tauhi maʻu ha taimi-tēpile fakalaumālie lelei, ʻo kau ai ʻa hono lau fakaʻaho ʻa e Folofola ʻa e ʻOtuá, maʻu ʻa e fakataha ʻa e fakatahaʻangá, pea kau ki he ngāue fakafaifekaú

SIO ʻI HE VITIŌ LANGA HA FALE ʻA IA ʻE TUʻULOÁ​—HOKO ʻO “FIEMĀLIE PĒ ʻI HE NGAAHI MEʻA ʻOKU MOU MAʻÚ,” PEA TALI LEVA ʻA E NGAAHI FEHUʻI KO ENÍ:

• Ko e hā ʻa e ngaahi pole naʻe fehangahangai mo e ngaahi fāmili ʻe niʻihi?

• Ko e hā ʻa e meʻa mahuʻinga taha ʻi he moʻuí?

• ʻE lava fēfē ke tau tokoni ki he faʻahinga ʻoku nau fekuki mo e faingataʻa fakaʻekonōmiká?