ʻOku ʻomai ʻe he Folofola ʻa e ʻOtuá ʻa e meʻa kotoa ʻoku tau fiemaʻú ke tau fekuki ai mo e ngaahi faingataʻa ʻo e ngaahi ʻaho fakaʻosi ko ení. (2 Tīm. 3:1, 16, 17) Kae kehe, te tau fiemaʻu nai ʻi he taimi ʻe niʻihi ha tokoni ke kumi ki he ngaahi tefitoʻi moʻoni Fakatohitapú ke ngāueʻaki ʻi ha tuʻunga pau. Ko e fakatātaá, ko ha mātuʻa koe ʻokú ke kumi faleʻi ki hono tauhi ʻo e fānaú? Ko ha toʻutupu koe ʻokú ke fāinga mo e ʻahiʻahiʻi hoʻo tuí? Ko ha uitou koe ʻokú ke loto-mamahi ʻi he mate ʻa ho hoa malí? Te ke maʻu ha fakamatala ʻi he jw.org te ne tataki koe ki ha ngaahi tefitoʻi moʻoni Fakatohitapu pau ʻa ia te ne tokoniʻi koe ʻi he ngaahi meʻá ni mo ha toe ngaahi tuʻunga kehe.​—Pal. 2:3-6.

ʻI he peesi tefito ʻi he jw.org fili ʻa e AKONAKI MEI HE TOHI TAPÚ. (Sio ki he fakatātā 1.) Mei he lisi hokohoko ko iá, fili ʻa e meʻa ʻokú ke saiʻia aí. Pe fili ʻa e LAIPELI > KUPU HOKOHOKO mo e meʻa ʻokú ke saiʻia aí. (Sio ki he fakatātā 2.) ʻE lava ke ke maʻu ʻa e meʻa tatau ʻi he JW Library^®. * Te ke saiʻia nai ke lau ʻa e ngaahi kupu ʻi he ngaahi feituʻu ko ení. Ko e toe founga ke kumi ai ki ha kaveinga pau ko hono ngāueʻaki ʻa e puha fekumi ʻi he jw.org.

Taipeʻi ʻa e ngaahi kaveinga ko ení ʻi he puha fekumí, pea hikiʻi ʻa e ngaahi kupu te ke saiʻia ke laú.

• Tauhi ʻo e fānaú

• Loto-moʻua ʻa e toʻutupú

• Mate ha hoa mali