‘I he ‘ahó ni, ‘oku faingofua ke puputu‘u ‘etau mo‘uí ‘i he ngaahi me‘a lahi. ‘Oku fiema‘u ‘a e taimi mo e ivi ke totongi ha mo‘ua, fakatau mai, tauhi mo tokanga‘i e ngaahi me‘a ‘oku ma‘ú. Na‘e mo‘ui ‘a Sīsū ‘i ha founga mo‘ui faingofua koe‘uhi ke ‘oua ‘e ta‘ofi ia ‘e he ngaahi me‘a fakamatelié mei he‘ene ngāue fakafaifekaú.—Māt. 8:20.

‘E lava fēfē ke ke fakafaingofua‘i ho‘o mo‘uí kae lava ke kau lahi ange ‘i he ngāue fakafaifekaú? ‘I hono fai ha ngaahi fenga‘unu‘aki, ‘e lava nai ha taha ‘i ho ‘apí ‘o kau ‘i he ngāue tāimu‘á? Kapau ‘okú ke lolotonga ngāue taimi kakato, ‘okú ke faka‘atā ‘a e ngaahi me‘a fakamatelié ke ne fakahoha‘asi ho‘o mo‘uí? Ko ha mo‘ui faingofua ‘i he ngāue kia Sihová ko ha mo‘ui fakafiefia ia.—1 Tīm. 6:7-9.

Tohi‘i hifo ‘a e founga ‘e lava ke ke fakafaingofua‘i ai ho‘o mo‘uí.