10:25-37

Na‘e fai ‘e Sīsū ‘a e pealapeli ko ení ko ha tali ki he fehu‘i, “Ko hai mo‘oni ‘a hoku kaungā‘apí?” (Luke 10:25-29) Na‘á ne ‘ilo ‘e fa‘u‘aki ‘a e fakataha‘anga Kalisitiané ‘a e “fa‘ahinga kakai kotoa pē”—kau ai ‘a e kau Samēliá mo e kau Senitailé. (Sione 12:32) Na‘e ako‘i ‘e he pealapelí ni ki hono kau muimuí ‘oku totonu ke nau feinga makehe ke ‘ofa ki he ni‘ihi kehé, na‘a mo e fa‘ahinga ‘oku kehe ‘aupito meiate kinautolú.

‘EKE HIFO KIATE KOE:

• ‘‘Oku anga-fēfē ‘eku ongo‘i fekau‘aki mo e fanga tokoua mo e fanga tuofāfine mei he ngaahi anga fakafonua kehé?’

• ‘‘Oku ou fakamoleki pē ‘a e taimi mo e fa‘ahinga ‘oku lahi ‘a e ngaahi me‘a ‘oku mau faitatau aí?’

• ‘‘E lava ke u faka‘atā atu hoku lotó ‘aki ‘eku feinga ke maheni lelei ange mo e kaungā Kalisitiane mei ha puipuitu‘a kehe?’ (2 Kol. 6:13)

Ko hai te u fakaafe‘i ke . . .

•  ngāue mo au ‘i he ngāue fakafaifekaú?

•  ha‘u ki hoku ‘apí ke ma kai?

•  kau mo hoku fāmilí ‘i he‘emau efiafi Lotu Fakafāmili hono hokó?