9:62

Ke hangatonu ‘a e ngaahi ‘otu ‘oku palaú, he‘ikai fakalelu‘i ‘a e tangata palaú ‘e he me‘a ‘i mui ‘iate iá. ‘I he tu‘unga meimei tatau, he‘ikai faka‘atā ‘e ha Kalisitiane ke fakalelu‘i ia ‘e he ngaahi me‘a kuó ne si‘aki atu ‘i he māmaní.—Fil. 3:13.

‘I he‘etau hokosia ha ngaahi faingata‘a, ‘oku faingofua ke tau faka‘amu ki he ‘ngaahi ‘aho lelei ‘i he kuohilí,’ ‘a e ngaahi ‘aho nai ki mu‘a pea tau ha‘u ki he mo‘oní. ‘I he fai peheé, ‘oku tau fa‘a fakalahi‘i ai ‘a e ngaahi fiefia ‘o e kuohilí pea fakasi‘isi‘i ‘a e ngaahi palopalemá. Ko e me‘a ia na‘e fai ‘e he kau ‘Isilelí hili ‘enau mavahe mei ‘Isipité. (Nōm. 11:5, 6) Kapau te tau nōfo‘i ‘i he ngaahi fakakaukau peheé, ‘e lava ke fakatauele‘i ai kitautolu ke tau foki ki he‘etau founga mo‘ui ki mu‘á. He lelei ange ē ke fakakaukau ki hotau ngaahi tāpuaki he lolotonga ní pea tokangataha ki he ngaahi fiefia ‘o e kaha‘ú ‘i he malumalu ‘o e Pule‘angá!—2 Kol. 4:16-18.