Na‘e tokoni‘i ‘e Sihova ‘a e kau masivá ‘i ‘Isileli ‘o e kuonga mu‘á. ‘I he ‘ahó ni, ko e hā ‘a e founga ‘okú ne tokoni‘i ‘ene kau sevāniti ‘oku ‘ikai loko ma‘u ha me‘a fakamatelié?

• ‘Okú ne ako‘i kitautolu ke ma‘u ‘a e vakai totonu ki he pa‘angá.​—Luke 12:15; 1 Tīm. 6:6-8

• Kuó ne tokoni‘i kitautolu ke ma‘u ‘a e vakai mafamafatatau fekau‘aki mo hotau tu‘ungá tonu.​—Siope 34:19

• ‘Okú ne ako‘i kitautolu ke ngāue mālohi pea faka‘ehi‘ehi mei he ngaahi tō‘onga te ne uesia kovi ai kitautolú.​—Pal. 14:23; 20:1; 2 Kol. 7:1

• Kuó ne fakataha‘i kitautolu ki ha fetokoua‘aki faka-Kalisitiane anga-‘ofa.​—Sione 13:35; 1 Sio. 3:17, 18

• ‘Okú ne ‘omai kiate kitautolu a e ‘amanaki.​—Saame 9:18; ‘Ai. 65:21-23

Tatau ai pē pe ‘e faingata‘a fēfē hotau tu‘ungá ‘oku ‘ikai fiema‘u ke tau loto-mo‘ua. (‘Ai. 30:15) ‘E tokanga‘i ‘e Sihova ‘etau ngaahi fiema‘u fakamatelié kehe pē ke tau hanganaki fuofua kumi ki hono Pule‘angá.​—Māt. 6:31-33.

SIO ‘I HE VITIŌ HE‘IKAI ‘AUPITO KE KA‘ANGA ‘A ‘OFA NEONGO ‘A E . . . MASIVÁ​—KONGO, PEA TALI LEVA ‘A E NGAAHI FEHU‘I KO ENÍ:

• Na‘e anga-fēfē hono fakahāhā ‘e he fanga tokouá ‘a e anga-talitali kakai ki he fa‘ahinga na‘a nau fononga ange ki he fakataha-lahí?

• Ko e hā ‘oku ako‘i mai ‘e he vitioó ‘o fekau‘aki mo e ‘ofa ‘a Sihova ki he masivá?

• Tatau ai pē pe ko e hā hotau tu‘unga fakamatelié ‘e lava fēfē ke tau fa‘ifa‘itaki kia Sihová?