ʻOku loto ʻa Sihova ke fiefia ʻa e ngaahi fāmilí. (Saame 127:3-5; Tml. 9:9; 11:9) Kae kehe, ʻe lava ke mole ʻetau fiefiá koeʻuhi ko e loto-mafasia ʻoku fakatupunga ʻe he māmani ko ení pea pehē ki he ngaahi fehālaaki ʻa e ngaahi mēmipa ʻo e fāmilí. Ko e hā ʻe lava ke fai ʻe he mēmipa taki taha ke tokoni ki he fiefia ʻa e fāmilí?

ʻOku ʻoange ʻe he husepānití ʻa e ngeia ki hono uaifí. (1 Pita 3:7) ʻOkú ne vaheʻi ʻa e taimi ke feohi mo ia. ʻOkú ne ʻamanekina ʻa e meʻa totonu mei hono uaifí pea fakahaaʻi ʻene houngaʻia ki he meʻa ʻokú ne fai ange kiate ia mo e fāmilí. (Kol. 3:15) ʻOkú ne fakahaaʻi ʻene ʻofá pea fakahīkihikiʻi ia.​—Pal. 31:28, 31.

ʻOku kumi ha uaifi ki ha ngaahi founga ke poupouʻi ai hono husepānití. (Pal. 31:12) ʻOkú ne anganofo ki hono husepānití pea ngāue fakataha mo ia. (Kol. 3:18) ʻOkú ne lea anga-ʻofa kiate ia pea ʻi heʻene talanoa fekauʻaki mo iá.​—Pal. 31:26.

ʻOku vaheʻi ʻe he ngaahi mātuʻá ʻa e taimi ke feohi mo ʻenau fānaú. (Teu. 6:6, 7) ʻOku nau tala ange ki heʻenau fānaú ʻoku nau ʻofa ʻiate kinautolu. (Māt. 3:17) ʻOku nau fakahāhā ʻa e ʻofa mo e ʻiloʻilo ʻi hono ʻoatu ha akonaki.​—ʻEf. 6:4.

ʻOku fakaʻapaʻapa mo talangofua ʻa e fānaú ki heʻenau ngaahi mātuʻá. (Pal. 23:22) ʻOku nau fakahaaʻi ki heʻenau ngaahi mātuʻá ʻa e anga ʻenau fakakaukaú mo e ongoʻí. ʻOku nau tali ʻa e akonaki mei heʻenau ngaahi mātuʻá pea fakahāhā ʻa e fakaʻapaʻapa kiate kinaua.​—Pal. 19:20.

SIO ʻI HE VITIŌ FAKATUPULEKINA ʻA E FIEFIÁ ʻI HO FĀMILÍ, PEA TALI LEVA ʻA E FEHUʻI KO ENÍ:

Ko e hā naʻe fai ʻe he tokotaha taki taha ke fakatupulekina ʻa e fiefiá ʻi he fāmilí?