Ko e ngaahi taumuʻa fakalaumālié ʻoku kau ki ai ha meʻa pē ʻoku tau ngāue mālohi ke aʻusia kae malava ke tau tauhi kakato ange kia Sihova pea fakafiefiaʻi ia. ʻOku tokoniʻi ai kitautolu ke tau fakalakalaka ʻi he moʻoní pea ʻoku tuha ia mo hono feilaulauʻi hotau taimí mo e iví. (1 Tīm. 4:15) Ko e hā ʻoku totonu ai ke tau sivisiviʻi maʻu pē ʻetau ngaahi taumuʻá? Koeʻuhi ʻoku feliuliuaki ʻa e ngaahi tuʻungá. Ko ha taumuʻa naʻe fokotuʻu ʻi he kuohilí ʻoku taʻemalava nai ke aʻusia, pe kuo tau aʻusia nai ia pea ʻoku malava ke fokotuʻu ha taumuʻa ʻe taha.

Ko ha taimi lelei ke sivisiviʻi ai ʻa e ngaahi taumuʻá ko e ki muʻa ke kamata ha taʻu fakangāue foʻou. Fēfē ke lāulea ki ai lolotonga ʻa e lotu fakafāmilí pea fokotuʻu ha niʻihi ʻo e ngaahi taumuʻa fakafoʻituitui pe fakafāmili?

Ko e hā hoʻo ngaahi taumuʻa pau ʻi he ngaahi tafaʻaki ko ení, pea ko e hā ʻa e ngaahi sitepu ʻokú ke palani ke fou ai ke aʻusia iá?