Siulai 29–ʻAokosi 4
SAAME 69
Hiva 13 mo e Lotu | Lea Kamata (1 min.)
1. Tomuʻa Tala ʻi he Saame 69 ʻa e Meʻa Naʻe Hoko ʻi he Moʻui ʻa Sīsuú
(10 min.)
Naʻe fehiʻanekinaʻi taʻeʻuhinga ʻa Sīsū (Saame 69:4; Sione 15:24, 25; w11 8/15 11 ¶17)
Naʻe mamahiʻi ʻe Sīsū ʻa e fale ʻo Sihová (Saame 69:9; Sione 2:13-17; w10 12/15 8 ¶7-8)
Naʻe hokosia ʻe Sīsū ʻa e mamahi fakaeongo pea naʻe ʻoange kiate ia ha uaine kuo huʻi ʻaki ʻa e ʻahu (Saame 69:20, 21; Māt. 27:34; Luke 22:44; Sione 19:34; g95-E 10/22 31 ¶4; it-2-E 650)
KE FAKALAULAULOTO KI AI: Ko e hā naʻe fakakau ai ʻe Sihova ʻa e ngaahi kikite fekauʻaki mo e Mīsaiá ʻi he Ngaahi Konga Tohi Tapu Faka-Hepeluú?
2. Makakoloa Fakalaumālie
(10 min.)
-
Saame 69:30, 31—ʻE lava fēfē ke tokoniʻi kitautolu ʻe he ngaahi veesi ko ení ke fakaleleiʻi ʻa e kakano ʻetau lotú? (w99 1/15 18 ¶11)
-
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Saame 69:1-25 (th ako 2)
4. Anga-Kātaki—Meʻa Naʻe Fai ʻe Sīsuú
(7 min.) Fetalanoaʻaki. Huluʻi ʻa e VITIOÓ, pea fetalanoaʻaki leva ʻi he lmd lēsoni 8 poini 1-2.
5. Anga-Kātaki—Faʻifaʻitaki kia Sīsū
(8 min.) Fetalanoaʻaki makatuʻunga ʻi he lmd lēsoni 8 poini 3-5 mo e “Sio foki ki he.”
Hiva 134
6. Fiemaʻu Fakalotofonua
(5 min.)
7. Tefitoʻi Moʻoni ki he Efiafi Lotu Fakafāmilí
(10 min.) Fetalanoaʻaki.
ʻI Sanuali 2009, naʻe fakatahaʻi ai ʻa e Ako Tohi ʻa e Fakatahaʻangá mo e Ako Fakafaifekau Fakateokalatí pea mo e Fakataha Ngāué ʻi ha fakataha pē ʻe taha ʻi he lolotonga ʻa e uiké. Naʻe ʻoange heni ki he ngaahi fāmilí ha faingamālie ke fakahoko ai ʻenau lotu fakafāmilí ʻi he uike taki taha. Kuo fakahāhā ʻe he tokolahi ʻenau houngaʻia ʻi he fokotuʻutuʻu ko eni naʻe fakahokó koeʻuhi ʻoku tokoniʻi ai kinautolu ke ʻunuʻunu ofi ange kia Sihova pea ki honau fāmilí.—Teu. 6:6, 7.
Ko e hā ʻa e ngaahi tefitoʻi moʻoni ʻe niʻihi ʻe lava ke ne tokoniʻi ʻa e ngaahi ʻuluʻi fāmilí ke ʻai ʻenau Lotu Fakafāmilí ke hoko ʻo lavameʻá?
-
ʻAi ia ke tuʻumaʻu. Kapau ʻe malava, vaheʻi ha taimi pau ki he lotu fakafāmilí ʻi he uike taki taha. ʻAi ha ʻaho ʻe taha ke fetongiʻaki ʻa e ʻaho lotu fakafāmilí ʻi he taimi ʻoku hoko ai ha meʻa fakatuʻupakē
-
Fai ha teuteu. Talanoa ki ho uaifí, pea ʻi he taimi ʻe niʻihi ʻeke ki hoʻo fānaú ʻa e anga ʻenau fakakaukaú. ʻOku ʻikai fiemaʻu ia ke fakamoleki ha taimi lahi ki he teuteú, tautefito kapau ʻoku fiefia ʻa e fāmilí ʻi hono fakahoko ʻa e ngāue tatau ʻi he uike taki taha
-
Feʻunuʻaki ʻa e polokalamá ki he fiemaʻu ho fāmilí. ʻI he tupu ʻa e fānaú ʻo lalahi angé, ʻe liliu ʻenau ngaahi fiemaʻú mo e malavá. Ko hoʻo polokalamá ʻoku totonu ke ne tokoniʻi ʻa e mēmipa taki taha ʻo e fāmilí ke tupu fakalaumālie
-
Tauhi maʻu ha ʻatimosifia anga-ʻofa mo nonga. ʻI he taimi ʻe niʻihi, fakahoko ʻa e akó ʻi tuʻa ʻi he taimi ʻoku lelei ai ʻa e ʻeá. ʻAi ha kiʻi mālōlō ʻi he taimi ʻoku fiemaʻu aí. Neongo ʻoku lelei ke talanoa ki he ngaahi pole pau ʻi he fāmilí, tokanga ke ʻoua ʻe ngāueʻaki ʻa e lotu fakafāmilí ke tafuluʻi pe akonakiʻi ai ha taha
-
Fakahoko ha ngaahi meʻa kehekehe. Ko e fakatātaá, ʻe kau nai ki ai hono teuteu ha konga ʻo e fakataha hokó, sio mo lāulea ki ha vitiō mei he jw.org, pea ʻahiʻahi ha konga ki he ngāue fakafaifekaú. Neongo ko e fetalanoaʻakí ko ha konga tefito ia ʻo e efiafi Lotu Fakafāmilí, ʻe lava foki ke fakahoko heni ʻe he ngaahi mēmipa ʻo e fāmilí ʻenau ako fakafoʻituituí
Lāulea ki he fehuʻi ko ení:
-
Kuo anga-fēfē hoʻo feinga ke ngāueʻaki ʻa e ngaahi tefitoʻi moʻoni ko ení ʻi hoʻo lotu fakafāmilí?
8. Ako Tohi Tapu ʻa e Fakatahaʻangá
(30 min.) lff lēsoni 55 poini 1-4
