Ko e fa‘ahinga ‘oku nau loto ke kau ‘i he tangata‘ifonua ‘i he Pule‘anga ‘o e ‘Otuá ‘oku totonu ke nau ako ‘o fekau‘aki mo e Pule‘angá mo e me‘a kuó ne fakahokó ‘i he lahi taha te nau ala lavá. Ko e hā hono ‘uhingá? ‘Oku ‘ikai ngata pē hono fakaivimālohi‘i ‘enau tui ko e Pule‘anga ‘o e ‘Otuá ‘e pulé ka ‘okú ne toe ue‘i honau lotó ke “tala” ki he ni‘ihi kehé ‘a e ongoongo lelei ‘o e Pule‘anga ‘o e ‘Otuá. (Saame 45:1; 49:3) ‘I ho‘o sio ‘i he vitiō Ko e Pule‘angá—Ta‘u ‘e 100 pea Kei Hokohoko Atu Pē, kumi ‘a e tali ki he ngaahi fehu‘i ko ení:

1. Ko e hā ko ha tāpuaki ai ‘a e “Tulama-‘Ata ‘o e Fakatupú” ki he fa‘ahinga na‘a nau sio aí?

2. Na‘e anga-fēfē hono ngāue‘aki ‘a e letioó ke a‘u ai e ongoongo leleí ki he kakaí?

3. Ko e hā ha toe founga na‘e ngāue‘aki ki hono malanga‘i ‘o e ongoongo leleí, pea ko e hā hono olá?

4. Kuo anga-fēfē fakalakalaka ‘a e ako ki he ngāue fakafaifekaú ‘i he faai mai ‘a e ngaahi ta‘ú?

5. Ko e hā ‘a e ngaahi ako ‘aonga na‘e tokonaki ma‘á e kau ako ‘i he Ako‘anga Kiliatí?

6. Ko e hā ‘a e tokoni kuo fai ‘e he ngaahi fakataha-lahí ‘i hono ako‘i ‘a e kakai ‘a Sihová?

7. Ko e hā ‘okú ne fakamo‘oni‘i kiate koe ‘oku pule ‘a e Pule‘anga ‘o e ‘Otuá?

8. ‘E lava fēfē ke tau fakahāhā ‘etau poupou ki he Pule‘anga ‘o e ‘Otuá?