Ko e vitioó ‘oku a‘u ia ki he loto ‘o e kakaí ko ‘ene fakamānako ki he sió mo e fanongó. ‘E tokoni eni ke puke ‘a e tokangá pea maongo tu‘uloa. Kuo fokotu‘u ‘e Sihova ‘a e fa‘ifa‘itaki‘anga lelei taha ‘i hono ngāue‘aki ‘a e tokoni ki he mamatá ‘i he faiakó.—Ngā. 10:9-16; Fkh. 1:1.

Ko e vitiō ‘Oku ‘i Ai ha Huafa ‘a e ‘Otuá?, Ko Hai ‘a e Fa‘utohi ‘o e Tohi Tapú? mo e ‘E Lava Fēfē Ke Tau Fakapapau‘i ‘Oku Mo‘oni ‘a e Tohi Tapú? fakalahi ki he lēsoni 2 mo e 3 ‘o e polosiua Ongoongo Lelei. Ko e vitiō Ko e Hā ke Ako Ai ‘a e Tohi Tapú?, Ko e Hā ‘Oku Fai ‘i ha Ako Tohi Tapu? mo e Ko e Hā ‘Oku Fai ‘i ha Fale Fakataha‘anga? ‘oku fakalototo‘a‘i ‘a e tokotaha taki taha ke ako ‘a e Tohi Tapú mo kitautolu pe ma‘u ‘a e ngaahi fakataha ‘a e fakataha‘angá. Ko e ni‘ihi ‘o ‘etau ngaahi vitiō ‘i he kaha‘ú ‘e toe ngāue‘aki nai ke faiako‘aki ‘i he ngaahi ako Tohi Tapú.—km 5/13 3.

• Tōmu‘a hiki ‘a e vitiō ‘okú ke loto ke hulu‘i ki he tokotaha-‘apí

• Teuteu ha fehu‘i ‘e taha pe ua ‘a ia ‘e tali ‘e he fo‘i vitioó

• Sio fakataha ‘i he vitioó

• Lāulea ki he ngaahi poini tefitó

• Sio ki he peesi faka‘osi ‘o e taha ‘etau ngaahi tulekí pea fakahanga e tokangá ki he kouti ‘e taki atu ki he vitiō Ko e Hā ke Ako Ai ‘a e Tohi Tapú?

• Hulu‘i e vitiō ‘E Lava Fēfē Ke Tau Fakapapau‘i ‘Oku Mo‘oni ‘a e Tohi Tapú? pea tu‘uaki e polosiua Ongoongo Lelei mo fakamamafa‘i ‘a e lēsoni 3