‘Oku faka‘amu ‘a e ngaahi mātu‘a manavahē-‘Otuá ke nau sio ki he‘enau fānaú ‘oku nau hoko ko e kau sevāniti faitōnunga ‘a Sihova. ‘Oku lava ‘e he ngaahi mātu‘á ke tokoni‘i kinautolu ke nau fai pehē ‘aki hono ‘ai ‘a e ngaahi akonaki ‘a e Tohi Tapú ke maongo ki he loto ‘o ‘enau fānaú mei he‘enau kei valevalé pē. (Teu. 6:7; Pal. 22:6) ‘Oku fiema‘u heni ha feilaulau‘i-kita? ‘Aupito! Ka ‘oku tuha mo‘oni ‘a e palé mo e feinga.—3 Sio. 4.

‘Oku lava ke ako lahi ‘a e ngaahi mātu‘á meia Siosifa mo Mele. “Na‘á na anga‘aki ‘a e ‘alu ‘i he ta‘u ki he ta‘u ki Selusalema ki he kātoanga ‘o e Pāsová,” neongo na‘e fiema‘u heni ‘a e feinga mo e fakamole. (Luke 2:41) ‘Oku hā mahino, na‘á na fakamu‘omu‘a ‘a e ngaahi fiema‘u fakalaumālie ‘a hona fāmilí. ‘I he tu‘unga meimei tatau, ‘oku malava ke tataki ‘e he ngaahi mātu‘a he ‘aho ní ‘enau fānaú ‘i he hala ‘oku totonú ‘aki hono ngāue‘aki ‘a e faingamālie kotoa pē ke ako‘i ai kinautolu ‘i he lea mo e fa‘ifa‘itaki‘anga.—Saame 127:3-5.

SIO ‘I HE VITIŌ NA‘Á NA NGĀUE‘AKI ‘A E FAINGAMĀLIE KOTOA PĒ, PEA TALI LEVA ‘A E NGAAHI FEHU‘I KO ENÍ:

• Na‘e anga-fēfē hono hanganaki fakamu‘omu‘a ‘e Jon mo Sharon Schiller ‘a e ngaahi me‘a ‘o e Pule‘angá lolotonga hono tauhi hake hona fāmilí?

• Ko e hā kuo pau ai ke ‘ai ‘e he ngaahi mātu‘á ‘enau akonakí ke fehoanaki mo e fiema‘u ki he ki‘i tama taki taha?

• ‘E lava fēfē ‘e he ngaahi mātu‘á ke teu‘i ‘enau fānaú ke nau matu‘uaki ‘a e ngaahi ‘ahi‘ahi‘i ‘o e tuí?

• Ko e hā ‘a e me‘angāue kuo tokonaki mai ‘e he kautaha ‘a Sihová ke ngāue‘aki ki hono tokoni‘i ho‘omou fānaú ke tupulaki fakalaumālié?