Na‘e fokotu‘u ‘e Sīsū ‘a e fa‘ifa‘itaki‘anga ke tau fa‘ifa‘itaki ki ai, tautefito ‘i he‘etau fehangahangai mo e ‘ahi‘ahí pe fakatangá. (1 Pita 2:21-23) Neongo na‘e leakovi‘i ‘a Sīsū, na‘e ‘ikai ‘aupito ha‘ane faisāuni, na‘a mo e taimi na‘á ne faingata‘a‘ia aí. (Mk. 15:29-32) Ko e hā na‘a ne tokoni‘i ia ke kātakí? Na‘á ne toe fakapapau‘i ke fai ‘a e finangalo ‘o Sihová. (Sione 6:38) Na‘á ne toe tokangataha ki he “fiefia ko ia na‘e fokotu‘u ‘i mu‘a ‘iate iá.”—Hep. 12:2.

‘Oku anga-fēfē ‘etau fakafeangai ‘i hono ngaohikovi‘i kitautolu koe‘uhi ko ‘etau tuí? Ko e kau Kalisitiane mo‘oní ‘oku ‘ikai te nau “fetongi ‘a e koví ‘aki ‘a e kovi.” (Loma 12:14, 17) ‘I he‘etau fa‘ifa‘itaki ki he founga na‘e kātaki‘i ai ‘e Kalaisi ‘a e faingata‘á, ‘e lava ke tau fiefia he ‘oku tau ma‘u ai ‘a e hōifua ‘a e ‘Otuá.—Māt. 5:10-12; 1 Pita 4:12-14.

SIO ‘I HE VITIŌ HUAFA ‘O SIHOVÁ ‘A E MAHU‘INGA TAHÁ, PEA TALI LEVA ‘A E NGAAHI FEHU‘I KO ENÍ:

• Na‘e anga-fēfē hono ngāue‘aki fakapotopoto ‘e Tuofefine Pötzinger * hono taimí lolotonga ‘ene ‘i he pilīsone tautau toko tahá?

• Ko e hā ‘a e ngaahi faingata‘a na‘e kātekina ‘e Tokoua mo Tuofefine Pötzinger lolotonga ‘a ‘ena ‘i he ngaahi kemi fakamamahi kehekehé?

• Ko e hā na‘á ne tokoni‘i kinaua ke na kātakí?