Ko e hā kuo pau ai ke tau fili fakapotopoto ‘a ‘etau fakafiefiá? Koe‘uhí ko e taimi ‘oku tau fili ai ke sio ha faiva, fanongo ki ha hiva, uepisaiti te ke hū ki ai, lau ha tohi pe va‘inga ‘i ha keimi vitiō, ‘oku tau fili ai ‘a e me‘a ke ne fakafonu hotau ‘atamaí. Ko ‘etau ngaahi filí ‘oku kaunga ia ki hotau ‘ulungāngá. ‘Oku fakamamahí, ko e lahi taha ‘o e ngaahi fakafiefia ‘oku ala ma‘u ‘i he ‘aho ní ‘oku kau ai ‘a e ngaahi me‘a ‘oku fakahalaia‘i ‘e Sihova. (Saame 11:5; Kal. 5:19-21) ‘I he ‘uhinga ko ení, ‘oku ekinaki mai ‘a e Tohi Tapú ke tau hokohoko atu ke tokanga ki he ngaahi me‘a ‘okú ne fakalāngilangi‘i ‘a Sihová.—Fil. 4:8.

SIO ‘I HE VITIŌ KO E HĀ ‘A E FAKAFIEFIA ‘OKU TOTONU KE U FILÍ? PEA TALI LEVA ‘A E NGAAHI FEHU‘I KO ENÍ:

• Ko e hā ‘a e faitatau ‘i he va‘inga tau ki he mate ‘a e kau Lomá pea mo e ngaahi fakafiefia ‘e ni‘ihi ‘i hotau ‘aho ní?

• ‘E lava fēfē ke tokoni ‘a e fakataha‘angá ki he to‘utupú ke nau fili fakapotopoto ‘a e fakafiefiá?

• ‘Oku totonu ke fēfē hono tokoni‘i kitautolu ‘e he Loma 12:9 ki he fili ‘o e fakafiefiá?

• Ko e hā ‘a e fa‘ifa‘itaki‘anga ‘e ni‘ihi ‘o e fakafiefia ‘oku lelei ‘i ho feitu‘ú?