KOLOA MEI HE FOLOFOLA ‘A E ‘OTUÁ | KALĒTIA 4-6
“Ko ha Talanoa Fakaefakatātā” mo ‘Ene ‘Uhinga Kiate Kitautolú
Na‘e ngāue‘aki ‘e he ‘apositolo ko Paulá ‘a e “talanoa fakaefakatātā” ko ení ke fakatātaa‘i ‘a e mahu‘inga ange ‘a e fuakava fo‘oú ‘i he fuakava Laó. ‘I he malumalu ‘o e tataki anga-‘ofa ‘a Kalaisi mo hono kaungā‘eá, kuo ma‘u ai ‘e he fa‘ahinga ‘o e tangatá ‘a e ‘amanaki ke tau‘atāina mei he angahalá, ta‘ehaohaoá, mamahí pea mo e maté.—‘Ai. 25:8, 9.
|
HEKA‘Ā—KO HA KAUNANGA Ko ‘Isileli ‘o e kuonga mu‘á na‘e ‘i he malumalu ‘o e fuakava Laó, ko hono kolomu‘á ko Selusalema |
SELA—KO HA FEFINE TAU‘ATĀINA Ko e Selusalema ‘i ‘olungá, ‘a e konga fakahēvani ‘o e kautaha ‘a e ‘Otuá |
|
“FĀNAU” ‘A HEKA‘Ā Ko e kakai Siú (ha‘i kinautolu kia Sihova ‘e he fuakava Laó) na‘á nau fakatanga‘i mo taliteke‘i ‘a Sīsū |
“FĀNAU” ‘A SELA Ko Kalaisi mo e kau Kalisitiane pani ‘e he laumālié ‘e toko 144,000 |
|
PŌPULA KI HE FUAKAVA LAÓ Ko e Laó na‘á ne fakamanatu ki he kau ‘Isilelí ko e kau pōpula kinautolu ki he angahalá |
KO E FUAKAVA FO‘OÚ ‘OKÚ NE FOAKI MAI ‘A E TAU‘ATĀINA Ko e tui ki he mahu‘inga ‘o e feilaulau huhu‘i ‘a Kalaisí ‘oku taki atu ia ki he tau‘atāina mei hono fakahalaia‘i ‘e he Laó |
