Na‘e tomu‘a veiveiua ‘a Mōsese ‘i he‘ene malava ke fakahoko hono vāhenga-ngāue na‘e ‘oange ‘e Sihová. (‘Eki. 4:10, 13) Kuo faifai ange peá ke ongo‘i pehē? ‘Okú ke ako Tohi Tapu mo e Kau Fakamo‘oni ‘a Sihová? ‘Okú ke fifili pe ‘e lava nai ke ke malanga mei he fale ki he fale? Pe ‘okú ke kei si‘i pea tailiili ke faifakamo‘oni he ‘apiakó. Pe ‘okú ke ilifia ke kau ‘i he faifakamo‘oni ‘i he telefoní pe ‘i ha fa‘ahinga founga ‘o e faifakamo‘oni ‘i he feitu‘u kakaí. Kole kia Sihova ki he mālohi ‘o hono laumālie mā‘oni‘oni. (1 Pita 4:11) Hoko ‘o tuipau ‘e lava ke ne tokoni‘i koe ke fakahoko ha vāhenga-ngāue pē te ne ‘oatu.—‘Eki. 4:11, 12.

SIO ‘I HE VITIŌ HOKO ‘O LOTO-TO‘A . . . KO HA TOKOTAHA MALANGA, PEA TALI LEVA ‘A E NGAAHI FEHU‘I KO ENÍ:

• Ko e hā ‘a e pole na‘e fehangahangai mo tuofefine Aoyama?

• Na‘á ne ma‘u mei fē ‘a e mālohi mo e loto-to‘á?—Sel. 20:7-9

• Na‘e anga-fēfē ‘ene ma‘u ‘aonga ‘i he‘ene kakapa atu ‘i he ngāue ‘a Sihová?

• Ko e hā ‘a e ngaahi pole ‘i he ngāue fakamalangá ‘e lava ke tokoni‘i koe ‘e Sihova ke iku‘í?