‘Oku taau ke fa‘ifa‘itaki ki he laumālie loto-lelei na‘e ma‘u ‘e ‘Aiseá. Na‘á ne fakahāhā ‘a e tui mo tali vave ha fiema‘u neongo na‘e ‘ikai ke ne ‘ilo‘i kotoa ‘a e fakaikiikí. (‘Ai. 6:8) ‘E lava ke ke fe‘unu‘aki ho ngaahi tu‘ungá kae lava ke ke ngāue ‘i ha feitu‘u ‘oku lahi ange ai ‘a e fiema‘u ‘o e kau fanongonongo ‘o e Pule‘angá? (Saame 110:3) Ko e mo‘oni, ‘oku mātu‘aki fiema‘u ke “fika‘i ‘a e fakamolé” ki aí. (Luke 14:27, 28) Kae kehe, hoko ‘o loto-lelei ke fai ha ngaahi feilaulau koe‘uhí ko e ngāue fakamalangá. (Māt. 8:20; Mk. 10:28-30) Hangē ko ia na‘e hā ‘i he vitiō ko e Hiki ‘o Ngāue ‘i he Feitu‘u ‘Oku Lahi Ange Ai ‘a e Fiema‘ú, ko e ngaahi tāpuaki te tau ma‘u ‘i he ngāue kia Sihová ‘oku laka mama‘o ange ia ‘i ha ngaahi feilaulau te tau fai.

• Ko e hā ‘a e ngaahi feilaulau fakafo‘ituitui na‘e fai ‘e he ngaahi mēmipa ‘o e fāmili ‘o Williams kae lava ke nau ngāue ‘i ‘Ekuatoá?

• Ko e hā ‘a e ngaahi tafa‘aki na‘a nau lāulea ki ai ‘i he‘enau fili ‘a e feitu‘u ke ngāue aí?

• Ko e hā ‘a e ngaahi tāpuaki na‘a nau ma‘ú?

• Te ke ma‘u mei fē ‘a e fakamatala lahi ange fekau‘aki mo e ngāue ‘i he feitu‘u ‘oku lahi ange ai ‘a e fiema‘ú?

• ‘E lava fēfē ke tau fakalahi atu ‘etau ngāue fakafaifekaú ‘i he tu‘unga ko ha fāmili? (km 8/11 4, 7-8)

• Kapau ‘oku ‘ikai malava ke tau ngāue ‘i ha feitu‘u ‘oku lahi ange ai ‘a e fiema‘ú, ‘i he ngaahi founga fē ‘e lava ke tau tokoni ai ki he‘etau fakataha‘anga fakalotofonuá? (w16.03 23-25)