MO‘UI KO HA KALISITIANE
Ikuna‘i ‘e he Ako Faka‘otuá ‘a e Tomu‘a Fehi‘á
‘Oku ‘ikai filifilimānako ‘a Sihova. (Ngā. 10:34, 35) ‘Okú ne tali ‘a e kakai “mei he pule‘anga kotoa pē, mo e ngaahi matakali, mo e ngaahi fa‘ahinga, mo e ngaahi lea.” (Fkh. 7:9) Ko ia ai, ‘oku ‘ikai ke ‘i ai ha me‘a ‘i he fakataha‘anga faka-Kalisitiané ko e tomu‘a fehi‘a pe lau lanu. (Sēm. 2:1-4) Koe‘uhi ko e ako faka‘otuá ‘oku tau fiefia ai ‘i he palataisi fakalaumālié pea kuo tau vakai ai ki hono liliu‘i ‘o e ngaahi anga‘itangatá. (‘Ai. 11:6-9) ‘I he‘etau ngāue tōtōivi ke ta‘aki fu‘u atu mei hotau lotó ha fa‘ahinga tafa‘aki pē ‘o e tomu‘a fehi‘á, ‘oku tau fakamo‘oni‘i ‘oku tau fa‘ifa‘itaki ai ki he ‘Otuá.—‘Ēf. 5:1, 2.
SIO ‘I HE VITIŌ JOHNY MO GIDEON: ONGO FILI KI MU‘A, ONGO TOKOUA ‘I HE TAIMÍ NI. TALI LEVA ‘A E NGAAHI FEHU‘I KO ENÍ:
-
Ko e hā ‘oku mā‘olunga ange ai ‘a e ako faka‘otuá ‘i he ngaahi feinga ‘a e tangatá ke to‘o atu ‘a e tomu‘a fehi‘á mo e lau lanú?
-
Ko e hā ‘oku maongo kiate koe fekau‘aki mo ‘etau fetokoua‘aki fakavaha‘apule‘angá?
-
‘I he founga fē ‘oku fakalāngilangi‘i ai ‘a Sihova ‘i he taimi ‘oku tau tauhi ma‘u ai ‘etau fā‘ūtaha faka-Kalisitiané?
