‘UHINGA ‘OKU MAHU‘INGA AÍ: Kuo pau ke ako ‘a e kakaí ki he ngaahi tu‘unga ‘a Sihová pea muimui ki ai kae malava ke ne tali ‘enau lotú. (‘Ai. 2:3, 4) Ko e tohi ‘Ofa ‘a e ‘Otuá, ko ‘etau tohi ako fika ua ia ki hono tokoni‘i ‘a e kau ako Tohi Tapú ke lāu‘ilo ki he anga ‘o e kaunga ‘a e ngaahi tefito‘i mo‘oni faka‘otuá ki he mo‘ui faka‘ahó. (Hep. 5:14) Kuo pau ke tau feinga ke a‘u ki he lotó ‘i he taimi ‘oku tau ako‘i ai kinautolú koe‘uhi ke nau lava ‘o ma‘u ‘a e fakaue‘iloto totonú ke fai ha ngaahi liliu.—Loma 6:17.

FOUNGA HONO FAI IÁ:

• Teuteu lelei, tauhi ma‘u ho‘o fakakaukaú ‘a e fiema‘u ho‘o tokotaha akó. Fa‘u ha ngaahi fehu‘i fakatupu fakakaukau ke ne ‘omai ai ‘ene ngaahi fakakaukaú mo ‘ene ongo‘i fekau‘aki mo e fakamatalá.—Pal. 20:5; be 259

• Ngāue‘aki ‘a e ngaahi puha ‘i he tohí ke tokoni‘i ho‘o tokotaha akó ke sio ki he mahu‘inga hono ngāue‘aki ‘o e ngaahi tefito‘i mo‘oni Fakatohitapú

• Tokoni‘i ho‘o tokotaha akó ke faka‘uhinga ‘i he ngaahi me‘a fakakonisēnisí kae ‘oua te ke fai ‘ene filí.—Kal. 6:5

• ‘Ilo‘ilo mo fakapapau‘i pe ‘oku fiema‘u ‘e ho‘o tokotaha akó ha tokoni ki hono ngāue‘aki ‘o ha ngaahi tefito‘i mo‘oni Fakatohitapu. Fakalototo‘a‘i anga-‘ofa ia ke fai ha ngaahi liliu ‘o makatu‘unga ‘i he‘ene ‘ofa kia Sihová.—Pal. 27:11; Sione 14:31