“‘E hoko ‘o pehe ‘i he kuonga ‘amui”

Ko e taimi eni ‘oku tau mo‘ui aí

“‘A e mo‘unga ‘o e fale ‘o Sihova”

Ko e lotu ma‘a ia ‘a Sihová

“‘E tafe ki ai ‘a e ngaahi kakai kotoa pe”

‘Oku fakatahataha ‘i he fā‘ūtaha ‘a e fa‘ahinga ‘oku nau koloa‘aki ‘a e lotu ma‘á

“Ha‘uā, ke tau ‘alu hake ki he mo‘unga ‘o Sihova”

Ko e kau lotu mo‘oní ‘oku nau fakaafe‘i ‘a e ni‘ihi kehé ke kau mo kinautolu

“Te ne ako kiate kitautolu hano ngaahi ‘alunga, pea te tau fou ‘i hono ngaahi founga”

Fakafou ‘i he‘ene Folofolá, ‘oku fakahinohino‘i mo tokoni‘i kitautolu ‘e Sihova ke tau ‘a‘eva ‘i hono ‘alungá

“‘E ‘ikai kei fai ha akotau”

Na‘e fakamatala‘i ‘e ‘Aisea ‘a e liliu ‘o e ngaahi me‘ataú ki he ngaahi me‘angāue ki he ngoué, ‘o fakahaa‘i ai ko e kakai ‘a Sihová te nau tuli ki he melinó. Ko e hā ‘a e ngaahi me‘angāue ‘i he ‘aho ‘o ‘Aiseá?

“Tuki huo ‘aki ‘enau ngaahi heleta”

1 Ko e huo tohó pe mata‘i palaú ko e konga ia ‘i he palaú ‘okú ne fulihi e kelekelé. Na‘e ngaohi ‘a e ni‘ihi mei he ukameá.—1 Sām. 13:20

“Ngaahi hele ‘auhani ‘aki honau ngaahi tao”

2 Ko ha hele ‘auhani pe hele tu‘usi ko e hele ukamea ia ‘oku ngaofe pea ‘oku ha‘i ki ai hano kau. ‘Oku ngāue‘aki ia ki hono tu‘usi ‘o e kālepí.—‘Ai. 18:5