‘I he kotoa ‘o e hisitōliá, kuo tokoni ai ‘a e kau ma‘u mafai fakaemāmaní ki he kakai ‘a Sihová. (‘Ēsela 6:1-12; ‘Ēseta 8:10-13) Na‘a mo e ‘ahó ni, kuo tau sio ai ki he “māmaní”—ko e ngaahi ‘elemēniti ‘o e fokotu‘utu‘u ko eni ‘o e ngaahi me‘á ‘oku nau toe faka‘atu‘i ange—‘okú ne folofua “‘a e vaitafe” ‘o e fakatanga ‘oku fakatupunga ‘e he “talākoní,” ‘a Sētane ko e Tēvoló. (Fkh. 12:16) Ko Sihova ko e “‘Otua ia ‘o e fakamo‘ui,” te ne ue‘i nai ‘i ha taimi ‘a e kau pule fakaetangatá ke tokoni ki hono kakaí.—Saame 68:20; Pal. 21:1.

Fēfē kapau ‘e tuku pilīsone koe koe‘uhi ko ho‘o tuí? ‘Oua na‘a ngalo ‘oku vakai hifo ‘a Sihova kiate koe. (Sēn. 39:21-23; Saame 105:17-20) Fakapapau‘i ‘e fakapale‘i koe ki ho‘o tuí pea ko ho‘o anga-tonú ‘okú ne fakalototo‘a‘i ‘a e fanga tokoua ‘i māmani lahí.—Fil. 1:12-14; Fkh. 2:10.

SIO ‘I HE VITIŌ ‘ATĀ MEI PILĪSONE ‘A E FANGA TOKOUA ‘I KŌLEÁ, PEA TALI LEVA ‘A E NGAAHI FEHU‘I KO ENÍ:

• Ko e hā na‘e tuku pōpula ai hotau fanga tokua ‘i Kōlea Tonga ‘i he ngaahi ta‘u kuo maliu atú?

• Ko e hā ‘a e fili ‘a e fakamaau‘angá na‘e iku ai ke faka‘atā ki muí ni mai hotau fanga tokouá?

• ‘E lava fēfē ke tau tokoni ki hotau fanga tokoua takatakai ‘i he māmaní ‘oku lolotonga tuku pilīsone koe‘uhi ko ‘enau tuí?

• ‘E lava fēfē ke tau ngāue‘aki ha tau‘atāina pē ‘oku tau ma‘u he taimí ni?

• Ko hai na‘e tupu mei ai ‘a e ngaahi ikuna ‘i he fakamaau‘angá?