‘I he tu‘usi ha taha ‘oku malu‘i ai ‘a e fakataha‘angá pea akonekina ai ‘a e tokotaha faiangahala ta‘efakatomalá. (1 Kol. 5:6, 11) ‘I hono tu‘usi ha taha, ‘oku fakatupunga ai ‘a e mamahi fakaeongo ki he fa‘ahinga kotoa ‘oku kaunga ki ai, ‘o kau ai ‘a e ngaahi kāinga ofí pea mo e kōmiti fakamāú. Kae kehe, ‘i he‘etau poupou ki he akonaki ko ia meia Sihová ‘oku tau fakahāhā ai ‘a e ‘ofá. Anga-fēfē?

Ko e me‘a mahu‘inga tahá, ‘oku tau fakahāhā ‘a e ‘ofa kia Sihova tonu mo ‘ene ngaahi tu‘unga mā‘oni‘oní. (1 Pita 1:14-16) ‘Oku tau toe fakahāhā ai ‘a e ‘ofa ki he tokotaha tu‘usí. Neongo ‘oku fakalotomamahi ‘a e akonakí ka ‘e lava ke ne “fakatupu mai ai ‘a e fua fakamelino ko e mā‘oni‘oni.” (Hep. 12:5, 6, 11) ‘Oku tau fakafetau ki he akonaki ‘a Sihová kapau ‘oku tau feohi mo ha taha kuo tu‘usi, pe ko ha taha kuó ne fakamavahe‘i ia. Manatu‘i, ‘oku akonaki‘i “fe‘unga pē” ‘e Sihova ‘a ‘ene kakaí. (Sel. 30:11) ‘I he‘etau poupou ki he akonaki ‘a Sihová pea tauhi ma‘u ‘etau tu‘unga fakalaumālié ‘oku tau toe ‘amanaki ai ‘e toe foki mai ‘a e tokotaha ko iá ki he‘etau Tamai mohu meesi.​—‘Ai. 1:16-18; 55:7.

SIO ‘I HE VITIŌ TAUHI MA‘U ‘A E MATEAKÍ ‘AKI HA LOTO FĀ‘ŪTAHA, PEA TALI LEVA ‘A E NGAAHI FEHU‘I KO ENÍ:

• Ko e hā ‘a e mamahi ‘oku ongo‘i ‘e he ngaahi mātu‘a Kalisitiané ‘i he li‘aki ‘e ha taha ‘o ‘ena fānaú ‘a Sihova?

• ‘E lava fēfē ke poupou ‘a e fakataha‘angá ki he toenga ‘o e fāmili faitōnungá?

• Ko e hā ‘a e fakamatala Fakatohitapu ‘oku ako‘i mai ai ko e mateaki kia Sihová ‘oku mahu‘inga mama‘o ange ia ‘i he mateaki ki hotau fāmilí?

• ‘Oku anga-fēfē ‘etau fakahaa‘i ‘oku tau mateaki kia Sihova ‘o laka ange ia ‘i he mateaki ki hotau fāmilí?