ʻI he ʻahó ni, ko e fakaʻapaʻapá ʻoku fakaʻaʻau ke mōlia atu ia.

Ko e fakatātaá, ko e kakai tokolahi ʻoku hōloa ʻenau tokaʻi ʻa e niʻihi kehé, hangē ko ʻenau ngaahi mātuʻá, kau taʻumotuʻá, kau polisí, kau pule ngāué mo e kau faiakó. ʻIkai ko ia pē, ko e kakaí ʻoku nau tohi taʻefakaʻapaʻapa fekauʻaki mo e niʻihi kehé ʻi he ʻInitanetí! Fakatatau ki ha kupu ʻi he makasini ko e Harvard Business Review, ko e “kakaí ʻoku fakautuutu ʻenau taʻefakaʻapaʻapa ki he niʻihi kehé.” ʻOku toe lave ai ko e kakaí ʻoku nau “līpooti ʻoku fakaʻaʻau ke mōlia atu ʻa e fakaʻapaʻapá.”