Ko e Hā Kuo Hoko ki he Tokaʻi-Kitá?
ʻUHINGA ʻOKU MAHUʻINGA AI ʻA E TOKAʻI-KITÁ
Ko e faʻahinga ʻoku tokaʻi-kitá ʻe lava ke nau fekuki mo e ngaahi pole ʻi he moʻuí fakataha mo e loto-pau. ʻOku ʻikai ke nau foʻi ngofua.
-
ʻOku fakahaaʻi ʻe he fakatotoló ko e faʻahinga ʻoku ʻikai ke nau fakakaukau lelei kiate kinautolú ʻoku nau hehema ke loto-moʻua, loto-mafasia mo uʻakai tamaki. Pea ʻoku ngalingali te nau ngāuekoviʻaki ʻa e ʻolokaholó mo e faitoʻo kona tapú.
-
Ko e faʻahinga ʻoku tokaʻi-kitá ʻoku ʻikai ke nau fakahoa kinautolu ki he niʻihi kehé, pea ʻoku ʻai ai ke faingofua ʻenau feohi mo e kakaí pea maʻu ha ngaahi kaumeʻa lelei. ʻI he tafaʻaki ʻe tahá, ko e faʻahinga ʻoku siʻi ʻenau tokaʻi-kitá ʻoku nau hehema ke fakaanga, ʻa ia ʻe uesia ai ʻa e ngaahi vahaʻangatae mo e niʻihi kehé.
-
Naʻa mo e fehangahangai mo e ngaahi polé, ko e kakai ʻoku tokaʻi-kitá ʻoku nau tuʻu maʻu; ʻoku ʻikai ke nau fakaʻatā ʻa e ngaahi faingataʻá ke uesia ai ʻenau taumuʻá. ʻI hono kehé, ko e faʻahinga ʻoku siʻi ʻenau tokaʻi-kitá ʻoku nau faʻa vakai ki he ngaahi fehālaaki īkí ko ha faingataʻa lalahi. ʻE lava ai heni ke nau foʻi ngofua.
MEʻA ʻE LAVA KE KE FAÍ
Fili ha kaungāmeʻa ʻoku langa haké. Feohi mo e kakai ʻoku nau anga-fakaʻapaʻapa, ʻoku nau mahuʻingaʻia moʻoni ʻi hoʻo leleí, pea te nau poupouʻi koe.
Tokoniʻi ʻa e niʻihi kehé. ʻI hoʻo anga-lelei pea tokoni ki he niʻihi kehé—kau ai ʻa e niʻihi ʻoku ʻikai ke nau fai ha meʻa maʻaú—te ke maʻu ai ʻa e fiefia moʻoni mei he foaki atú naʻa mo e ʻikai ke fakatokangaʻi ʻe he niʻihi kehé ʻa e ngāue lelei naʻá ke faí.
Tokoniʻi hoʻo fānaú ke nau fakatupulekina ʻa e tokaʻi-kitá. Ko e founga ʻe taha ko e fakaʻatā kinautolu ke nau fakaleleiʻi pē ʻenau ngaahi palopalemá, ʻo aʻu ki he ngataʻanga ʻenau malavá. ʻE tokoni ia ke nau fekuki mo e ngaahi faingataʻá pea ikuʻi ia. ʻI heʻenau fai iá te nau hoko ʻo tokaʻi-kita lahi ange ʻi he taimí ni pea ʻi heʻenau tupu ʻo lalahi haké.
MEʻA ʻOKU MAU FAÍ
Ko e ngaahi fakataha mo e polokalama ako Tohi Tapu ʻa e Kau Fakamoʻoni ʻa Sihová ʻoku tokoni ia ki he kakaí ke fakaleleiʻi ʻenau moʻuí pea ko e olá ʻoku nau maʻu ai ʻa e tokaʻi-kitá.
KO ʻEMAU NGAAHI FAKATAHA FAKAUIKÉ
ʻI heʻemau fakataha fakauiké, ʻoku mau fanongo ki he ngaahi malanga Fakatohitapu ʻoku kau ai ʻa e ngaahi fokotuʻu ki he founga ke maʻu ai ʻa e tokaʻi-kitá. Ko ʻemau ngaahi fakatahá ʻoku taʻetotongi pea ʻoku ʻatā ki ha taha pē. Ko e fakatātaá, ʻi heʻemau ngaahi fakatahá te ke ako ai . . .
-
ki he ʻuhinga ʻokú ke mahuʻinga ai ki he ʻOtuá
-
ki he founga ke maʻu ai ʻa e taumuʻa moʻoni ʻi he moʻuí
-
ki he founga ke langa hake ha ngaahi kaumeʻa mālohi mo tuʻuloa
Te ke toe maʻu foki ai mo e ngaahi kaungāmeʻa moʻoni ʻoku nau “tauʻaki fetokangaʻaki.”—1 Kolinitō 12:25, 26.
Ke ako lahi ange fekauʻaki mo ʻemau ngaahi fakatahá, kumi ʻi he jw.org ki he vitiō nounou Ko e Hā ʻOku Fai ʻi ha Fale Fakatahaʻanga?
KO ʻEMAU AKO TOHI TAPÚ
ʻOku mau tuʻuaki ha ako Tohi Tapu taʻetotongi ʻo ngāueʻaki ʻa e tohi Fiefia ʻi he Moʻuí ʻo Taʻengata! ʻOku ʻi he tohi ako ko ení ʻa e ngaahi konga Tohi Tapu tefito, fakaʻuhinga māʻalaʻala, ngaahi fehuʻi ola lelei, ngaahi vitiō fakaueʻiloto mo e ngaahi fakatātā fakaʻofoʻofa. Ko ʻemau ako Tohi Tapú ʻokú ne tokoniʻi ʻa e kakaí ke nau maʻu ʻa e ngeia pea fakaleleiʻi ʻenau moʻuí.
Ke sio ki he founga ʻe lava ke ke maʻu ʻaonga ai mei he ako Tohi Tapu mo e Kau Fakamoʻoni ʻa Sihová, kumi ʻi he jw.org ki he vitiō nounou Ko e Hā ke Ako Ai ʻa e Tohi Tapú?
Te Ke Fie Vakai Foki ki Heni
FEKAUʻAKI MO KIMAUTOLU
Kole ha ʻAʻahi
Lāulea ki ha fehuʻi Fakatohitapu pe ako lahi ange fekauʻaki mo e Kau Fakamoʻoni ʻa Sihová.
FEKAUʻAKI MO KIMAUTOLU
Maʻu ha Fakataha
Ako fekauʻaki mo ʻemau ngaahi fakatahá. Kumi ha feituʻu faiʻanga fakataha ofi kia koe.
