Ko ha Māmani Māveuveu—Te Ke Fekuki Fēfē mo Ia?
ʻOkú ke ongoʻi ko e ngaahi palopalema ʻoku anga-maheni ʻi he māmaní he ʻaho ní, ʻokú ne uesia fakafoʻituitui koe ʻo lahi ange ia ʻi ha toe taimi ki muʻa? ʻOkú ke fetaulaki mo e ngaahi tuʻunga ko ení ʻi he feituʻu ʻokú ke nofo aí?
fepaki fakakautau
mahaki fakaʻauha
fakatamaki fakanatula
masiva
tomuʻa fehiʻa
faihia fakamālohi
ʻI he hoko ha meʻa fakamamahi, ko e tokolahi ʻo e faʻahinga kuo maʻukoviá ʻoku nau puputuʻu mo siva ʻenau ʻamanakí. Ko e kakai ʻe niʻihi ʻoku nau hoko ʻo ongonoa ki he ngaahi faingataʻá. Neongo ia, ʻi he fehangahangai mo ha meʻa fakamamahi, ko e puputuʻu mo e ongonoa fakaeongo ʻi ha taimi fuoloá ʻokú ne ʻai pē ke toe kovi ange ʻa e ngaahi meʻá.
ʻI he uhouhonga ʻo e māveuveú, kuo pau ke ke fai ha meʻa ke maluʻi ʻa e faʻahinga ʻokú ke ʻofa aí, ko hoʻo moʻui leleí, ko hoʻo maʻuʻanga moʻuí, pea mo hoʻo fiefiá.
Ko e hā ʻe lava ke ke fai he taimí ni ke fakasiʻisiʻi ʻa hono uesia fakafoʻituitui koe ʻe he māveuveu ʻa e māmaní ko ení?
