Ko ha Tohi Naʻe Hoko Ai ha Liliu

KOEʻUHI ko e fuʻu tokolahi ʻa e toʻutupu ʻoku nau faʻifaʻitaki ki he ngaahi sitaila ʻaiʻainoaʻia mo manakoá, ʻoku fakamānako ʻa e taimi ʻoku feinga ai ha niʻihi ke teunga fakanānaá. ʻI Balykchy, ko ha kolo ʻi Kekisitani, ko ha lepupilika ia ki muʻa ʻo e Sovieti ʻIunioní, naʻe fili ai ʻe ha kiʻi kulupu ko e kau talavou ke ʻai honau taá ʻi he faʻahinga vala ne nau sio ai ʻi he takafi ʻo e tohi Questions Young People Ask​—Answers That Work. Naʻe ʻalu ʻa e kau talavoú ni ki ha fefine faitā palōfesinale ʻo kole kiate ia ke ne ʻai hanau tā fakakulupu ʻe ʻasi hangē ko e tā ʻi he takafi ʻo e tohí. Ko e tā ʻoku ʻoatu ko ení ko e laʻi tā ia naʻá ne ʻaí.

Hili ʻa e faitaá, naʻe tuku ai ʻe he kau talavoú ʻa e tohí ʻi he fefine faitaá. ʻI he taimi ko iá, naʻe ʻikai te ne fuʻu mahuʻingaʻia, he naʻe ʻikai te ne tui ki he Tohi Tapú. Kae kehe, ʻi he taimi naʻe foki atu ai ʻa e kau talavoú ki he fale faitaá ʻi ha ngaahi ʻaho siʻi mei ai ke ʻave ʻa e taá, naʻá ne pehē kuo teʻeki ai te ne lau ha tohi pehē ʻi heʻene moʻuí. Naʻá ne pehē naʻe ʻikai ʻaupito te ne ʻiloʻi naʻe ʻomai ʻe he Tohi Tapú ha akonaki ʻaonga pehē, pea naʻá ne fiemaʻu ke lahi ange ʻene ʻiló. Ko hono olá, naʻá ne kamata ako ai ʻa e Tohi Tapú.

ʻE malava foki kia koe ke ke kole ha tatau ʻo e tohí ni, ʻa ia naʻe fakataumuʻa tefito ke ne tokoniʻi ʻa e toʻutupú mo e ngaahi palopalema ʻoku nau fehangahangai mo ia he ʻaho ní. Ko hoʻo fakafonu pē ʻa e kūponi ʻoku ʻoatu hení pea meiliʻi ia ki he tuʻasila ʻoku hā ʻi he kūponí pe ki ha tuʻasila feʻungamālie ʻa ia ʻoku lisi ʻi he peesi 5 ʻo e makasini ko ení.

□ ʻOku ou loto ke u maʻu ha tatau ʻo e tohi Questions Young People Ask​—Answers That Work.

□ Kātaki fetuʻutaki mai kiate au ʻo fekauʻaki mo ha ako Tohi Tapu taʻetotongi ʻi ʻapi.