‘Okú Na Hounga‘ia ‘i he ‘Ofa ‘a e ‘Otuá

● Na‘e ako‘i kitautolu ‘e Sīsū ke tau hounga‘ia ‘i he ‘ofa ‘a e ‘Otuá. Na‘á ne pehē: “Na‘e ‘ofa lahi ‘aupito ‘a e ‘Otuá ki he māmaní ‘o ne foaki ai hono ‘Alo tofu-pē-taha-ne-fakatupú [‘a Sīsū], koe‘uhi ko e tokotaha kotoa pē ‘okú ne ngāue‘i ‘a e tui kiate iá ke ‘oua na‘a ‘auha ka ne ma‘u ‘a e mo‘ui ta‘engatá.” (Sione 3:16) Ko e ‘ofa ‘a e ‘Otuá kia kitautolú mo e ‘amanaki fakafiefia ko ia ‘oku ‘ai ‘o malava ‘i he‘ene foaki mai hono ‘Aló ‘oku fakamamafa‘i ia ‘i he tohi ko e ‘Unu‘unu Ofi kia Sihova.

Ko ha fefine ‘i Fololita, ‘Amelika, na‘á ne tohi: “‘I he hili hono lau ‘a e vahe 5, na‘á ku ofoofo mo‘oni ‘i he ‘ofa, poto, mo e fu‘u mālohi aoniu ‘o Sihová. ‘I he‘eku fakalaulauloto ki he‘ene fakatupú, na‘e toe fonu ange ai hoku lotó ‘i he ‘ofa kiate iá.” Ko ha fefine mei South Dakota, ‘Amelika, na‘á ne fakamatala: “Laka hake he ta‘u ‘e 30, na‘e faingata‘a kiate au ke u fakahāhā ‘a e ‘ofá (pe ongo‘i ‘oku ‘ofa‘i au). Ko e tohi ko ení ‘okú ne tokoni‘i au ‘o ‘ikai toe tatau mo ha me‘a.”

Ko e tohi peesi ‘e 320 ko ení ‘a e ‘Unu‘unu Ofi kia Sihova ‘oku fakamatala‘i ai ‘a e ngaahi ‘ulungaanga tefito ‘o e ‘Otuá ‘a e mālohí, fakamaau totonú, potó, mo e ‘ofá. ‘E lava ke ke kole ha tatau ‘aki hono fakafonu ‘a e kūponi ‘oku ‘oatu hení pea meili‘i ia ki he tu‘asila fe‘ungamālie ‘i he peesi 5 ‘o e makasini ko ení.

□ ‘I he ‘ikai kouna‘í, ‘oku ou kole atu ha tatau ‘o e tohi ‘oku hā hení.

□ Kātaki ‘o fetu‘utaki mai kiate au fekau‘aki mo ha ako Tohi Tapu ta‘etotongi ‘i ‘api.