Ko e tokolahi hotau fanga tokouá mo e fanga tuofāfiné ʻoku nau ngāueʻaki ʻa e ngaahi kupu ʻoku fakaʻaliʻali ʻi he peesi tefito ʻo e jw.org ʻi he ngāue fakafaifekaú. ʻOku faingofua ke ʻave fakaʻilekitulōnika, pea ʻoku faʻa fakamatala ai ki he anga hono fakahoko ʻe he ngaahi meʻa ʻoku lolotonga hokó ʻa e kikite ʻi he Tohi Tapú. Hangē ko ia naʻe tohi ʻe ha tokoua ʻe taha, ko e ngaahi kupu ʻi he peesi tefitó “ko e meʻa tofu pē ia ki heʻetau founga ngāue fakafaifekau lolotongá.”

Ka ko e ngaahi meʻa fakaʻaliʻalí ʻoku liliu maʻu pē, ko ia ʻe lava fēfē ke ke maʻu ʻa e ngaahi kupu ʻoku ʻikai ke toe ʻasi ʻi he peesi tefitó?

• ʻI he peesi tefito ʻo e jw.org, lomi ʻi he “Sio ki he Meʻa Lahi Ange” ofi ki ʻolunga ʻi he pēsí. ʻOku fakaava hake heni ʻa e peesi ʻoku fakakaveinga “Meʻa Ne Fakaʻaliʻali ki Muí Ni ʻi he Peesi Tefitó,” ʻa ia te ke maʻu ai ʻa e lahi taha ʻo e ngaahi kupu naʻe toki fakaʻaliʻali ki muí ni maí.

• ʻI he jw.org pe ʻi he JW Library^®, fili ʻa e “Laipeli,” “Kupu Hokohoko,” pea lomi ʻi he “Ngaahi Kaveinga Kehe.” Ko e konga ko ení ʻoku ʻi ai ʻa e ngaahi kupu naʻe toki fakaʻaliʻali ʻi he peesi tefitó.