Lau ʻa e Selemaia 38:​1-13 ke ako fekauʻaki mo e loto-toʻa naʻe fakahāhā ʻe he palōfita ko Selemaiá mo e ʻiunoke ko ʻĒpeti-melekí.

Sivisiviʻi ʻa e potutohí. Naʻe anga-fēfē hono fakahāhā ʻe Selemaia ʻa e loto-toʻá ʻi hono talaki ʻa e pōpoaki ʻa Sihová? (Sel. 27:​12-14; 28:​15-17; 37:​6-10) Naʻe anga-fēfē fakafeangai ki heni ʻa e kakaí?—Sel. 37:​15, 16.

Keli loloto ange. Ko e hā ʻa e tenge naʻe fehangahangai mo Selemaiá? (jr-E 26-27 ¶20-22) Fekumi lahi ange fekauʻaki mo e ngaahi lepa ʻi he kuonga muʻá. (it-1-E 471) Ko e hā ʻa e ngaahi ongoʻi naʻe maʻu ʻe Selemaia lolotonga ʻene ʻi he lepa pelepelá? Ko e hā ʻa e ngaahi manavahē naʻe pau nai ke ikuʻi ʻe ʻĒpeti-melekí?—w12-E 5/1 31 ¶2-3.

ʻIloʻi ʻa e ngaahi lēsoní. ʻEke hifo:

• ‘Ko e hā ʻoku akoʻi mai ʻe he fakamatala ko ení fekauʻaki mo e founga ʻoku maluʻi ai ʻe Sihova ʻene kau sevāniti mateakí?’ (Saame 97:10; Sel. 39:​15-18)

• ‘ʻI he ngaahi tuʻunga fē ʻe fiemaʻu ai ke u fakahāhā ʻa e loto-toʻá?’

• ‘ʻE lava fēfē ke u fakaivimālohiʻi ʻeku loto-toʻa ke fai ʻa e meʻa ʻoku totonú ʻi he malumalu ʻo e tengé?’ (w11 4/1 30) a