“ʻI heʻeku fāinga mo e ongoʻi taʻeʻaongá, ʻoku fakalototoʻaʻi au ʻe Sihova fakafou ʻi he ngaahi hiva ʻi he JW Broadcasting^®.”—Lorraine, ʻAmelika.

Ko e ‘ngaahi hiva fakalaumālié’ kuo hoko maʻu pē ko e konga ʻo e lotu faka-Kalisitiané. (Kol. 3:16) Kapau te ke ako maʻuloto ʻa e ngaahi hiva ko ení, ʻe lava ke tokoni ia kiate koe naʻa mo e ʻi he taimi ʻoku ʻikai ke ke maʻu ai ha tohi hiva pe ko ha meʻangāue fakaʻilekitulōnika. Feinga ke muimui ʻi he ngaahi fokotuʻu ko ení ke tokoni ke ke maʻuloto ai ʻa e ngaahi hivá.

• Lau fakalelei ʻa e lea ʻo e hivá ke mahinoʻi hono ʻuhingá. ʻE faingofua ange ke ke mahinoʻi ʻa e fakamatalá ʻi he taimi ʻokú ke mahinoʻi aí. Ko e ngaahi lea ki he kotoa ʻetau ngaahi hivá, kau ai ʻa e ngaahi hiva foʻoú mo e hiva maʻá e fānaú, ʻoku ala maʻu ʻi he jw.org. ʻI he konga Laipeli, ʻalu ki he Fasi.

• Hikiʻi hifo ʻa e ngaahi lea ʻo e hivá. Ko e fai peheé ʻoku ngalingali ʻe fakamaʻu ai ʻa e ngaahi leá ki hoʻo manatú.—Teu. 17:18.

• ʻAhiʻahi leʻo-lahi. Toutou lau pe hivaʻi ʻa e hivá.

• Siviʻi hoʻo manatú. Feinga ke manatuʻi ʻa e ngaahi leá ʻo ʻikai toe sio ki he lauʻi pepa hivá, pea vakai leva pe naʻe tonu.