Ko ha monū ia ke moʻui ʻi ha taimi ʻoku fakamahino mai ai ʻe Sihova ʻa e mahino Fakatohitapú ʻo laka ange ʻi ha toe taimi ki muʻa. (Tan. 12:4) Neongo ia, ʻe hoko nai ko ha pole kiate kitautolu ke laka fakataha mo e ngaahi fakatonutonu ki heʻetau mahinoʻi ʻo e moʻoni Fakatohitapú. ʻE lava ke tau maʻu mei fē ʻa e ngaahi fakatonutonu mo e fakamatala ko ení.

• Ko e kupuʻi lea “Beliefs Clarified” ʻi he Watch Tower Publications Index ʻoku hā ai ʻa e lisi kakato ʻo e ngaahi fakatonutonu fakahokohoko ʻaki ʻa e taʻu. Ki ha lisi ʻo e ngaahi kaveingá, fakahū ʻa e “fakatonutonu ʻo e mahinó” (fakataha mo e fakaʻilonga leá) ʻi he puha fekumi ʻi he Watchtower Library pe LAIPELI Taua Leʻo ʻI HE ʻINITANETÍ.

• Ko e Tataki Fakaefekumi Maʻá e Kau Fakamoʻoni ʻa Sihová ʻoku maʻu ai ha lisi nounou fakafoʻikaveinga. ʻAlu ki he “Ngaahi Fakakaukau mo e Tui,” pea ʻalu leva ki he “Fakamāʻalaʻala ʻEtau Tuí.”

Ki ha poloseki ako fakafoʻituitui, fēfē ke ke fili ha fakatonutonu ki muí ni pea fekumi ki heʻetau mahino lolotongá mo e ʻuhinga Fakatohitapu ki he liliú?