Ko ha ongo meʻa ʻokú na lau ha talanoa ki he moʻuí ʻe taha ʻi he pongipongi kotoa ʻokú na pehē: “He fakafiefia mo fakalototoʻa ē ʻa e ngaahi talanoa ko ení kiate kimaua! ʻOku nau fakamanatu mai te ma lava foki mo kimaua ʻo faitōnunga ʻi he tuʻunga kotoa pē.” Ko ha tuofefine ʻokú ne maʻu ʻa e ongoʻi tatau naʻá ne tohi: “Ko e ngaahi talanoa ko eni ki he moʻuí ʻoku fakafiemālie, fakaueʻiloto mo fakalotomāfana. Ko e moʻui hotau fanga tokouá mo e fanga tuofāfiné ʻoku mohu taumuʻa mo mohu ʻuhinga. ʻOku ueʻi au ʻe heʻenau talanoá ke u fai ʻa e meʻa lahi ange ʻi he ngāue fakafaifekaú pea tokoniʻi au ke tataki ʻeku fānaú ʻi he hala ʻo e ngāue taimi-kakato kia Sihová.”

ʻE lava ke ueʻi koe ʻe he talanoa ki he moʻuí ke tuli ki ha taumuʻa mohu ʻuhinga, ikuʻi ha vaivaiʻanga, pea kātekina ha ʻahiʻahi kakaha ʻi he fiefia mo e fakangeingeia. ʻE lava fēfē ke ke maʻu ʻa e ngaahi talanoa ko ení?

• Kumi ki he kupu hokohoko “Talanoa ki he Moʻuí ʻa e Kau Fakamoʻoni ʻa Sihová” ʻi he jw.org pe ʻi he JW Library®.

• Kumi ki he “Talanoa ki he Moʻuí ʻa e Kau Fakamoʻoni ʻa Sihová” ʻi he LAIPELI Taua Leʻo ʻI HE ʻINITANETÍ^™ pe Watchtower Library.