ʻOku tau lotu kia Sihova ʻo ʻikai ngata pē ʻi he ngaahi kulupu lalahi ʻi heʻetau ngaahi fakatahá, ʻasemipilií mo e fakataha-lahí kae pehē foki ʻi he tuʻunga tāutahá pea mo e fāmilí. Ko e ngaahi fokotuʻu eni ʻe lava ke ke fai ʻi hoʻo lotu fakafoʻituituí mo e lotu fakafāmilí:

• Teuteu ki he ngaahi fakatahá. ʻE lava ke kau ai hono ako ʻa e ngaahi hivá pea tokoni ki he kotoa ʻi he fāmilí ke teuteu ha tali.

• Lau ha talanoa ʻi he Tohi Tapú. Hili iá, tā ha fakatātā ʻo e meʻa naʻe hokó pe hikiʻi hifo ha meʻa naʻá ke ako.

• Sivisiviʻi ha lotu ʻi he Tohi Tapú, pea lāulea ki he founga ʻe lava ke ke fakaleleiʻi ai hoʻo ngaahi lotú.

• Sio ʻi ha vitiō fakateokalati pea lāulea leva ki ai mo e niʻihi kehé pe hiki ha palakalafi fekauʻaki mo ia.

• Teuteu ki he ngāue fakafaifekaú, mahalo fai ha kiʻi ʻahiʻahi.

• Siofi ʻa e fakatupú pea fakalaulauloto ki ai pe lāulea ki he meʻa ʻokú ne akoʻi atu kiate koe fekauʻaki mo Sihová. a