Mahalo, hangē ko e tokolahi ʻo kitautolu, ʻoku faingataʻa nai ke ke manatuʻi ʻa e meʻa ʻokú ke akó. Neongo ia, kuó ke fakatokangaʻi ʻa e faingofua ke tau manatuʻi ʻa e ngaahi talanoa fakatātā ʻa Sīsuú? ʻOku lava ke ke sioloto atu ki ai, pea ʻoku tokoni ia ke ke manatuʻi kinautolu. ʻI he tuʻunga meimei tatau, ʻe lava ke ke manatuʻi lelei ʻa e meʻa ʻokú ke akó ʻaki ʻa e sioloto atu ki he meʻa ʻokú ke laú. ʻE anga-fēfē haʻo fai ia? ʻAki hono tā ʻa e ngaahi fakatātā lolotonga hoʻo akó.

Ko e kakai ʻoku nau tā ʻa e ngaahi fakatātā ʻo e meʻa foʻou ʻoku nau akó ʻoku nau faʻa manatuʻi lelei ange ia. ʻOku nau ʻiloʻi ʻoku ʻikai ngata pē ʻa e ʻaonga ʻa e founga ko ení ʻi he ngaahi foʻi leá kae pehē foki ki he ngaahi fakakaukau fakalūkufuá. Ko ʻenau ngaahi fakatātaá ʻoku ʻikai fiemaʻu ia ke fuʻu tika—ko ha takohi faingofua pē. Pea ʻoku fakamoʻoniʻi ko e kakai taʻumotuʻá ʻe lava ke nau maʻu ʻaonga mei he founga ko ení.

Ko e taimi hoko te ke ako aí, te ke loto nai ke tā ʻa e fakatātā ʻo e meʻa ʻokú ke akó. Te ke ʻohovale nai ʻi he lahi ʻo e meʻa ʻokú ke manatuʻí!