KO E TAUA LE‘O—PULUSINGA AKO Sune 2020
‘Oku ma‘u ‘i he ‘īsiu ko ení ‘a e ngaahi kupu ako ki ‘Aokosi 3-30, 2020.
“Ke Fakamā‘oni‘oni‘i Ho Huafá”
Kupu ako 23: ‘Aokosi 3-9, 2020. Ko e hā ‘a e ‘īsiu mahu‘inga ‘oku fehangahangai mo e kotoa ‘o e me‘a fakatupu ‘atamai‘iá? Ko e hā ‘oku mātu‘aki mahu‘inga ai ‘a e ‘īsiu ko iá, pea ko e hā ‘etau kaunga ki aí? Ko hono mahino‘i ‘a e tali ki he ongo fehu‘i ko iá mo e ngaahi fehu‘i kehe ‘e tokoni‘i ai kitautolu ke fakaivimālohi‘i hotau vaha‘angatae mo Sihová.
“Fakafā‘ūtaha‘i ‘a Hoku Lotó Ke U Manavahē ki Ho Huafá”
Kupu ako 24: ‘Aokosi 10-16, 2020. ‘I he kupu ko ení, te tau tokangataha ki he konga ‘o e lotu ‘a Tu‘i Tēvita na‘e hiki ‘i he Saame 86:11, 12. ‘Oku ‘uhinga ki he hā ‘a e manavahē ki he huafa ‘o Sihová? Ko e hā ‘oku totonu ai ke tau ‘apasia ki he huafa lahi ko iá? Pea ‘e lava fēfē ke hoko ‘a e manavahē ki he ‘Otuá ko ha malu‘i mei he fakatauelé?
Fehu‘i mei he Kau Lautohí
Ko e ngaahi ‘ulungaanga pē ‘i he Kalētia 5:22, 23 ‘a e “fua ‘o e laumālié”?
“Ko Au Tonu Te U Kumi ki He‘eku Fanga Sipí”
Kupu ako 25: ‘Aokosi 17-23, 2020. Ko e hā ‘oku ‘auhia ai mei he fakataha‘angá ‘a e ni‘ihi kuo nau tauhi faitōnunga kia Sihova ‘i he laui ta‘u? ‘Oku anga-fēfē ‘a e ongo‘i ‘a e ‘Otuá fekau‘aki mo kinautolú? ‘E tali ‘i he kupu ko ení ‘a e ongo fehu‘i ko iá. ‘Oku toe fakamatala ai ki he me‘a ‘e lava ke tau ako mei he founga hono tokoni‘i ‘e Sihova ‘a e ni‘ihi ‘i he taimi ‘o e Tohi Tapú na‘a nau ‘auhia ‘i ha taimi meiate ia.
“Mou Foki Mai Kiate Au”
Kupu ako 26: ‘Aokosi 24-30, 2020. ‘Oku loto ‘a Sihova ke foki mai kiate ia ‘a e fa‘ahinga ‘oku ‘ikai ke nau toe feohi mo e fakataha‘angá. ‘Oku lava ke tau fai ‘a e me‘a lahi ke fakalototo‘a‘i ‘a e fa‘ahinga ko ia ‘oku nau tali ‘a e fakaafe ‘a Sihová: “Mou foki mai kiate au.” ‘I he kupu ko ení, te tau lāulea ai ki he founga ‘e lava ke tau tokoni‘i ai kinautolu ke foki maí.
