‘Oku uesia ‘e he maté ‘a e tokotaha kotoa ‘o kitautolu. Ka ko e ngata‘angá pē ia? ‘E ngalo ai pē ‘a e kau maté ‘o ta‘engata? ‘Oku ‘i ai ha ‘amanaki ki he kau maté?

‘OKU ‘IKAI NGALO ‘A E KAU MATÉ

“Ko e fa‘ahinga kotoa ‘i he ngaahi fonualoto fakamanatú te nau . . . hū mai ki tu‘a.”​—Sione 5:28, 29.

‘Oku manatua ‘e he ‘Otuá ‘a e maté; ko e fa‘ahinga ‘i he‘ene manatú ‘e toetu‘u mai.

‘E ‘I AI ‘A E TOETU‘U ‘I HE MĀMANÍ

“‘E ‘i ai ‘a e toetu‘u fakatou‘osi ‘a e mā‘oni‘oní mo e ta‘emā‘oni‘oní.”​—Ngāue 24:15.

‘E toe fakafoki mai ‘a e laui piliona ki he mo‘uí fakataha mo e ‘amanaki ke mo‘ui ta‘engata ‘i he melino lahi.

KO E ‘AMANAKI ‘O E TOETU‘Ú ‘OKU ‘IKAI KO HA MISI PĒ

“[Ko e ‘Otuá] ‘okú ne lau ‘a e lahi ‘o e ngaahi fetu‘ú; ‘okú ne ui kinautolu kotoa ‘aki honau hingoa.”​—Saame 147:4.

Ko e malava ko ia ke fakahingoa ‘a e ngaahi fetu‘ú ‘oku malava ngofua pē ki he ‘Otuá ke manatua ‘a e kakai te ne fokotu‘u haké.