Ma‘u ‘a e Ngaahi Tāpuaki Tu‘uloa mei ha ‘Otua ‘Ofa
‘Okú ke faka‘amu ke nofo ‘i ha māmani ‘oku ‘ikai ‘i ai ha tau, fakamālohi mo e feke‘ike‘i?
‘Okú ke faka‘amu na‘e ‘ikai ke ‘i ai ha puke, faingata‘a‘ia mo e mate?
‘Okú ke holi ke tau‘atāina mei he hoha‘á mo e loto-mo‘uá?
‘Okú ke faka‘amu ke nofo ‘i ha feitu‘u ‘oku ‘ikai uesia ‘e he fakatamaki fakanatulá?
Kuo tala‘ofa mai ‘e hotau ‘Otua ‘ofá, ‘a e Tokotaha-Fakatupu hotau māmani faka‘ofo‘ofá, te ne tāpuaki‘i ‘a e tangatá ‘aki ‘a e mo‘ui melino mo fiefia ‘o ta‘engata. ‘Oku ‘ikai ko ha misi eni.
‘I he ngaahi kupu hokó, ‘oku mau fakaafe‘i koe ke fakakaukau ki he:
Anga ‘o e ongo‘i hotau Tokotaha-Fakatupú ki he tangatá
Me‘a ‘oku fakahaa‘i mai ‘e he Folofola ‘a e ‘Otuá
Me‘a ‘oku fakahaa‘i ‘e he kau palōfita ‘a e ‘Otuá fekau‘aki mo ‘ene ngaahi tala‘ofá
Me‘a ‘e lava ke tau fai ke fiefia ai he taimí ni pea ma‘u ‘a e ngaahi tāpuaki tu‘uloa ‘i he taimi kotofa ‘a e ‘Otuá
Tau kamata‘aki hono sivisivi‘i ‘a e tokanga ‘ofa ‘a e Tokotaha-Fakatupú ki he fa‘ahinga ‘o e tangatá.
