TALU mei he 1992, kuo vaheʻi ʻe he Kulupu Pulé ki he ngaahi kōmití ha kau mātuʻa taukei mo matuʻotuʻa ke nau tokoni ki hono fakahoko ʻenau ngāué. a Ko e kau tokoni ko ení, ʻa ia ko e kau mēmipa kinautolu ʻo e “fanga sipi kehe,” ʻoku nau ʻoatu ʻa e poupou mahuʻinga ki he Kulupu Pulé. (Sione 10:16) ʻOku nau maʻu ʻa e fakataha fakauike ʻa e kōmiti ʻoku vaheʻi kinautolu ki aí. Ko honau ngafá ke ʻoatu ha fakamatala ʻoku fiemaʻu mo fai ha ngaahi fokotuʻu. ʻOku fai ʻe he kau mēmipa ʻo e Kulupu Pulé ʻa e ngaahi fili aofangatukú, pea ʻoku tokoni leva ʻa e kau tokoní ke nau siofi ʻoku fakahoko ʻa e ngaahi fili ko iá. ʻOku loto-lelei ʻa e fanga tokoua ko ení ke fai ha ngāue pē ʻoku vaheʻi kinautolu ki ai. ʻOku nau fononga mo e kau mēmipa ʻo e Kulupu Pulé ki he ngaahi fakataha-lahi makehe mo fakavahaʻapuleʻanga. ʻOku toe vaheʻi nai kinautolu ke nau ʻaʻahi ki he ngaahi ʻōfisi vaʻá ʻi he tuʻunga ko e kau fakafofonga ʻo e ʻuluʻi ʻapitangá.

ʻOku pehē ʻe ha tokoua ʻe taha kuó ne hoko ko ha tokotaha tokoni talu mei he 1992, “ʻI he taimi ʻoku ou tokangaʻi ai ʻa e ngaahi fatongia kuo vaheʻi maí, ʻe lava ke tokangataha kakato ange ʻa e Kulupu Pulé ki he ngaahi meʻa fakalaumālié.” ʻOku pehē ʻe ha tokoua ʻe taha kuó ne hoko ko ha tokotaha tokoni ʻi he taʻu ʻe 20, “ʻOku makehe atu ʻa e monū ko iá ʻo ʻikai toe ala fakatatau ki ha meʻa ʻoku lava ke u sioloto atu ki ai.”

Kuo ʻoatu ʻe he Kulupu Pulé ʻa e fatongia lahi ki hono kau tokoní pea fakahoungaʻi ʻa e ngāue mālohi ʻa e fanga tokoua mateaki ko ení. ʻOfa ke tau “hanganaki fakamahuʻingaʻi ʻa e kau tangata peheé.”—Fil. 2:29.