Maʻá e Toʻutupú

Taukapoʻi ʻa e Lotu Moʻoní!

Fakahinohino: Fai ʻa e lautohí ni ʻi ha ngaahi feituʻu lōngonoa. ʻI hoʻo lau ʻa e ngaahi konga Tohi Tapú, sioloto atu ʻokú ke kau ʻi he meʻa ʻoku hokó. Sioloto atu ki he meʻa ʻoku hokó. Fanongo ki he ngaahi leʻó. ʻAi ke ke ongoʻi ʻa e ngaahi ongo ʻa e faʻahinga ʻoku hā ʻi he talanoá. ʻAi e fakamatalá ke hangē pē ha meʻa moʻoní.

Faʻahinga tefitó: ʻIlaisiā, ʻĒhapi, mo e kau palōfita ʻe toko 450 nai ʻa Pēali

Fakanounou: Fakamoʻoniʻi ʻe ʻIlaisiā ʻoku māʻolunga ange ʻa Sihova ʻia Pēali.

1 ʻANALAISO ʻA E TUʻUNGÁ.—LAU ʻA E 1 TUʻI 18:17-40.

ʻI ha lauʻipepa mavahe, tā ai ha fakatātā ʻo fakahaaʻi ʻa e feituʻu ʻokú ke sioloto atu ʻoku ʻi ai ʻa ʻIlaisiā, ko e kau palōfita ʻa Pēalí, mo e ongo ʻōlitá ʻi he anga ʻo ʻenau tuʻú.

Ko e hā e ngaahi ongo ʻokú ke “fanongo” ki ai lolotonga ʻa e uatau ʻoku hoko ʻa ia ʻoku fakamatalaʻi ʻi he veesi 26 ki he 29?

․․․․․

Ko e hā ʻa e ongoʻi ʻokú ke mahinoʻi ʻi he leʻo ʻo ʻIlaisiaá ʻi heʻene lea ki he kau palōfita ʻa Pēalí?

․․․․․

2 FEKUMI LAHI ANGE.

Ko e hā naʻe fiemaʻu ai ʻa e loto-toʻa ʻi he tafaʻaki ʻa ʻIlaisiaá ke ne fakaofiofi kia ʻĒhapi pea hoko atu leva ʻo fai ha sivi ʻa ia ʻe fakamaaʻi ai ʻa e lauingeau ʻo e kau palōfita ʻa Pēalí? (Tokoni: Lau ʻa e 1 Tuʻi 18:4, 13, 14.)

․․․․․

ʻI hono ngāueʻaki ʻa e naunau fekumi ʻokú ke maʻú, kumi ha meʻa fekauʻaki mo e lotu Pēalí. Ko e fakatātaá, ko e hā ʻa e faʻahinga tōʻonga naʻe ʻalu fakataha mo iá? Ko e hā ʻa e ikuʻanga ʻo e lotu Pēalí ki ʻIsilelí?

․․․․․

 ʻOkú ke pehē ko e hā naʻe keli ai ʻe ʻIlaisiā ha fuʻu luo takatakai ʻi he ʻōlita ʻo Sihová pea toki fakafonu vaí?

․․․․․

3 NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E  . . .

Loto-toʻa ʻa ia ʻoku fiemaʻu ke taukapoʻi ʻaki ʻa e lotu moʻoní.

․․․․․

Ngaahi ʻaonga ʻoku hoko ki he faʻahinga ko ia ʻoku nau fakahaaʻi ʻa e loto-toʻa peheé.

․․․․․

KI HA NGĀUE LAHI ANGE.

ʻI he (ngaahi) tafaʻaki fē ʻo e moʻuí ʻe lava ke ke fakahaaʻi ai ʻa e loto-toʻa lahi ange ʻi hono taukapoʻi ʻa e lotu moʻoní?

․․․․․

4 KO E HĀ E TAFAʻAKI ʻO E FAKAMATALÁ NI ʻOKU MOHU ʻUHINGA TAHA KIATE KOÉ, PEA KO E HĀ HONO ʻUHINGÁ?

․․․․․

Lau ʻa e fakamatala lahi ange makatuʻunga he tohi tapú ʻi he www.watchtower.org

[Puha ʻi he peesi 31]

Fakamatala Fekauʻaki mo e Fakataha-Lahi Fakavahé

Kamata ʻi he taʻú ni, ko e ngaahi ʻaho mo e ngaahi feituʻu ʻo e ngaahi fakataha-lahi fakavahe fakataʻú heʻikai ke toe ʻasi atu ia ʻi he Taua Leʻo. ʻE lava ke maʻu ʻa e fakamatalá ʻi he Uepisaiti jw.org