Naʻe ʻikai ke fakatupu ʻe he ʻOtuá ia ha Tēvolo. ʻI hono kehé, naʻe fakatupu ʻe he ʻOtuá ha ʻāngelo ʻa ia naʻe hoko ki mui ko e Tēvoló, ʻoku toe ʻiloa foki ia ko Sētane. Naʻe fakahuʻunga ʻe Sīsū naʻe ʻi ai ʻa e taimi naʻe moʻoni mo taʻehaʻila ai ʻa e Tēvoló. Ko ia, ʻi he kamataʻangá, ko e Tēvoló ko ha foha fakaeʻāngelo māʻoniʻoni ia ʻo e ʻOtuá.—Lau ʻa e Sione 8:44.

Ko e ʻāngelo naʻe hoko ko e Tēvoló naʻá ne fili ke fakafepaki ki he ʻOtuá pea fakaʻaiʻai ʻa e ʻuluaki ongo mātuʻá ke na kau mo ia. Ko ia naʻá ne ʻai ia ko Sētane, ʻa ia ʻoku ʻuhingá ko e tokotaha “Fakafepaki.”—Lau ʻa e Sēnesi 3:1-5; Fakahā 12:9.

ʻOku hangē pē ko e toenga ʻo e ngaahi meʻamoʻui ʻatamai poto ʻa e ʻOtuá, ko e ʻāngelo naʻe hoko ko e Tēvoló naʻá ne maʻu ʻa e tauʻatāina ke fili ke fai ʻa e meʻa ʻoku tonú pe halá, ka naʻá ne fakatupulekina ʻa e holi ke fai ange ki ai ʻa e lotú. Ko ʻene holi ki he lāngilangí naʻe mālohi ange ia ʻi heʻene holi ke fakahōifuaʻi ʻa e ʻOtuá.—Lau ʻa e Mātiu 4:8, 9; Sēmisi 1:13, 14.

Kuo anga-fēfē ʻa e hokohoko atu ʻe he Tēvoló hono tākiekina ʻa e tangatá? ʻOku totonu ke ke manavahē kiate ia? ʻOku lava ke ke maʻu ʻa e tali ki he ngaahi fehuʻí ni ʻi he Tohi Tapú.