ʻAisea 60:1-22
60 “Tuʻu hake, ʻe fefine,+ ʻo ulo atu, he kuo hoko mai ʻa hoʻo māmá.
Ko e lāngilangi ʻo Sihová ʻokú ne ulo atu kiate koe.+
2 He vakai, ʻe ʻufiʻufi ʻa māmani ʻe he fakapoʻulíPea mo ha poʻuli matolu ʻa e ngaahi puleʻangá;Ka ʻe ulo atu ʻa Sihova kiate koe,Pea ko hono lāngilangí ʻe hā atu ia ʻiate koe.
3 ʻE ʻalu atu ʻa e ngaahi puleʻangá ki hoʻo māmá+Pea mo e ngaahi tuʻí+ ki he ulo ho lāngilangí.*+
4 Hanga hake ho matá peá ke vakai takatakai kiate koe!
Kuo nau fakatahataha hono kotoa; ʻoku nau ʻalu atu kiate koe.
ʻOku hokohoko atu ʻa e haʻu ho ngaahi fohá mei he mamaʻó,+Pea ʻoku fua mai ho ngaahi ʻofefiné.+
5 ʻI he taimi ko iá te ke sio peá ke hoko ʻo fiefia,+Pea ko ho lotó ʻe mapunopuna pea fonu mahuohua ʻi he fiefia,Koeʻuhí ko e koloa ʻo e tahí ʻe fakahanga atu ia kiate koe;Ko e koloa ʻo e ngaahi puleʻangá ʻe ʻalu atu kiate koe.+
6 Ko ha fanga kāmeli tokolahi te nau ʻufiʻufi ho fonuá,*Ko e fanga kiʻi kāmeli tangata ʻo Mitiani mo ʻEfá.+
Ko e kakai kotoa ʻo Sipá—te nau omi;Te nau ōmai mo e koula mo e ʻinisēnisi hinehina.
Te nau fanongonongo ʻa e fakahīkihiki ʻo Sihová.+
7 Ko e ngaahi tākanga sipi kotoa ʻo Ketá+ ʻe fakatahatahaʻi kiate koe.
Ko e fanga sipi tangata ʻo Nēpaioté+ ʻe faiʻaki ʻa e tauhi kiate koe.
ʻE fakahōifua ʻa hono ʻohake kinautolu ʻi hoku ʻōlitá,+Pea te u ʻai ke fakaʻofoʻofa ʻa hoku fale lāngilangiʻiá.*+
8 Ko hai ʻa e faʻahinga ko eni ʻoku nau puna ʻo hangē ha ngaahi ʻaó,ʻO hangē ha fanga lupe ʻoku nau puna ki honau ngaahi nofoʻangá?*
9 He ko au ʻe tuʻu ai ʻa e ʻamanaki ʻa e ngaahi motú;+ʻOku takimuʻa* ʻa e ngaahi vaka ʻo Tāsisí,Ke ʻomai ho ngaahi fohá mei he mamaʻó,+Fakataha mo ʻenau silivá mo e koulá,Ki he huafa ʻo Sihova ko ho ʻOtuá pea ki he Tokotaha Māʻoniʻoni ʻo ʻIsilelí,He te ne fakalāngilangiʻi koe.*+
10 ʻE langa ho ngaahi ʻaá ʻe ha kau muli,Pea ko honau ngaahi tuʻí te nau tauhi kiate koe,+He naʻá ku taaʻi koe ʻi heʻeku ʻitá,Ka ʻi heʻeku ʻofá* te u meesi kiate koe.+
11 Ko ho ngaahi matapaá ʻe fakaava maʻu ai pē;+ʻE ʻikai ke tāpuni ia ʻi he ʻahó pe ʻi he poʻulí,Koeʻuhí ke ʻomi kiate koe ʻa e koloa ʻa e ngaahi puleʻangá,Pea ko honau ngaahi tuʻí te nau takimuʻá.+
12 He ʻilonga ha fonua mo ha puleʻanga ʻe ʻikai tauhi kiate koe ʻe ʻauha,Pea ʻe fakaʻauha ʻosi ʻa e ngaahi puleʻangá.+
13 Ko e lāngilangi ʻo Lepanoní ʻe haʻu kiate koe,+ʻA e ʻakau ko e siunipá, tītaʻá, pea fakataha mo e saipalesí,+Ke fakateungaʻaki ʻa hoku feituʻu toputapú;Te u fakalāngilangiʻi ʻa e feituʻu ʻoku tuʻu ai hoku vaʻé.+
14 Ko e ngaahi foha ʻo e faʻahinga naʻa nau fakafeʻātungiaʻi koé te nau haʻu ʻo punou atu kiate koe;Ko e faʻahinga kotoa ʻoku nau taʻefakaʻapaʻapa kiate koé kuo pau ke nau punou atu ʻi ho veʻe vaʻé,Pea te nau ui koe ko e kolo ʻo Sihová,Ko Saione ʻa e Tokotaha Māʻoniʻoni ʻo ʻIsilelí.+
15 Neongo naʻe liʻekina mo fehiʻanekinaʻi koe, ʻo ʻikai ke fou atu ai ha taha,+Te u ngaohi koe ko ha matavai ʻo e pōlepoleʻanga taʻengata,Ko ha tupuʻanga ʻo e fiefia ʻi he ngaahi toʻutangatá kotoa.+
16 Pea ko e moʻoni te ke inu ʻa e huʻakau ʻo e ngaahi puleʻangá+Te ke huhu ʻi he huhu ʻo e ngaahi tuʻí;+Pea te ke ʻilo moʻoni ko au Sihova ʻa ho Fakamoʻuí,Pea ko ho Tokotaha-Huhuʻí ʻa e Tokotaha Mālohi ʻo Sēkopé.+
17 Te u ʻomai ʻa e koula ko e fetongi ʻo e kopa,Pea te u ʻomai ʻa e siliva ko e fetongi ʻo e ukamea,ʻA e kopa ko e fetongi ʻo e ʻakau,Mo e ukameá ko e fetongi ʻo e maka;Pea te u fakanofo ʻa e melinó ko ho kau tauhiPea ko e māʻoniʻoní ko ho kau vahe fatongia.+
18 ʻE ʻikai ke toe fanongoa ʻa e fakamālohí ʻi ho fonuáPe ko e fakaʻauhá mo e maumaú ʻi ho ngaahi ngatangataʻangá.+
Pea te ke ui ho ngaahi ʻaá ko Fakamoʻui+ pea ko ho ngaahi matapaá ko Fakahīkihiki.
19 ʻE ʻikai ke toe hoko ʻa e laʻaá ko hoʻo maama ʻi he ʻahó,Pea ʻe ʻikai ke toe huhulu ʻa e māhiná kiate koe,He ʻe hoko ʻa Sihova ko e maama taʻengata kiate koe,+Pea ʻe hoko ho ʻOtuá ko ho fakaʻofoʻofaʻanga.+
20 ʻE ʻikai ke toe tō ʻa hoʻo laʻaá,Pea ʻe ʻikai ke holo ʻa e ulo ʻo hoʻo māhiná,He ʻe hoko ʻa Sihova ko ha maama taʻengata kiate koe,+Pea ko e ngaahi ʻaho ʻo hoʻo mamahí ʻe ngata.+
21 Pea ko e kotoa ho kakaí te nau māʻoniʻoni;Te nau maʻu ʻa e fonuá ʻo taʻengata.
Ko e huli kinautolu naʻá ku tō,Ko e ngāue ʻa hoku nimá,+ ke u hoko ai ʻo fakaʻofoʻofa.+
22 Ko e kiʻi siʻí ʻe hoko ko e toko afePea ko e momoʻi meʻá ʻe hoko ko ha puleʻanga mālohi.
Ko au Sihova, te u fakavaveʻi ia ʻi hono taimi.”
Fakamatala ‘i Lalo
^ Pe “ki he maamangia ʻo hoʻo hopo haké.”
^ Fakafoʻilea, “koe.”
^ Pe “ʻa hoku fale fakaʻofoʻofá.”
^ Pe “ki he ngaahi foʻi ava ʻi he fale manupuná?”
^ Pe “ʻai koe ke ke fakaʻofoʻofa.”
^ Pe “muʻomuʻa.”
^ Pe “loto-leleí.”
