Hōsea 8:1-14
8 “ʻAi ha meʻaifi ki ho ngutú!+
ʻOku haʻu ha tokotaha ʻo hangē ha ʻīkalé ki he fale ʻo Sihová,+He kuo nau maumauʻi ʻa ʻeku fuakavá+ pea laka hala mei heʻeku laó.+
2 ʻOku nau tangi kiate au, ‘ʻE homau ʻOtua, ko kimautolu ʻIsilelí, ʻoku mau ʻiloʻi koe!’+
3 Kuo liʻaki ʻe ʻIsileli ʻa e meʻa ʻoku leleí.+
Tuku ke tuli ia ʻe he filí.
4 Kuo nau fakanofo ha ngaahi tuʻi, ka naʻe ʻikai fakafou ia ʻiate au.
Kuo nau fakanofo ha kau houʻeiki, ka naʻe ʻikai te u ʻiloʻi kinautolu.
Kuo nau ngaohi ʻaitoli+ ʻaki ʻenau silivá mo e koulá,ʻA ia te nau ʻauha ai.+
5 Kuo talitekeʻi atu hoʻo ʻaitoli ʻuhikiʻi pulú, ʻe Samēlia.+
ʻOku ʻalu hake ʻa ʻeku ʻitá kiate kinautolu.+
Ko e hā hono fuoloa ʻa e ʻikai te nau malava ke fakamaʻa kinautolu mei he hiá ni?
6 He ko e haʻu ʻa e meʻá ni mei ʻIsileli.
Naʻe ngaohi ia ʻe ha tangata nima-meaʻa, pea ʻoku ʻikai ko e ʻOtuá ia;Ko e ʻaitoli ʻuhikiʻi pulu ʻo Samēliá ʻe ʻai ke momo iiki.
7 He ʻoku nau tō ʻa e matangi,Pea te nau utu ʻa e afā.+
ʻOku ʻikai ha vaʻa uite ʻe motuʻa ʻa hono fuá;+ʻIlonga ha huli ʻe tupu mai heʻikai ke maʻu ai ha mahoaʻa.
Pea kapau ʻokú ne fua, ʻe folofua+ ia ʻe ha kau muli.*
8 ʻE folofua+ ʻa ʻIsileli ʻe he filí.
Ko eni te nau ʻi he lotolotonga ʻo e ngaahi puleʻangá,+ʻO hangē ha poulu ʻoku ʻikai ʻaongá.
9 He kuo nau ʻalu hake ki ʻAsīlia,+ ʻo hangē ha ʻasi kaivao ʻoku taka tokotaha pē.
Kuo totongi ʻe ʻIfalemi ha kau fefine ke hoko ko honau ngaahi ʻofaʻanga.+
10 Neongo ʻoku nau totongiʻi mai ʻa e ngaahi ʻofaʻangá mei he ngaahi puleʻangá,Te u fakatahatahaʻi kinautolu he taimí ni;ʻE kamata ke nau faingataʻaʻia+ koeʻuhi ko e kavenga kuo hilifaki kiate kinautolu ʻe he tuʻí mo e kau houʻeikí.
11 He kuo fakalahi ʻe ʻIfalemi ʻa e ngaahi ʻōlita ke nau faiangahala+ ai.
Naʻe hoko ia ko ʻene ngaahi ʻōlita ki he faiangahalá.+
12 Naʻá ku hiki kiate ia ha ngaahi lao* lahi,Ka naʻe lau ia ko ha meʻa muli pē.+
13 ʻOku nau fai ʻa e ngaahi feilaulau ko ha ngaahi meʻaʻofa kiate au, pea ʻoku nau kai ʻa e kakanó,Ka ʻoku ʻikai leleiʻia ai ʻa Sihova.+
Ko eni te ne manatu ki heʻenau faihalá pea tautea kinautolu ʻi heʻenau ngaahi angahalá.+
Kuo nau tafoki* ki ʻIsipite.+
14 Kuo fakangaloʻi ʻe ʻIsileli ʻa hono Tokotaha-Ngaohí+ pea kuo nau langa ha ngaahi temipale,+Pea kuo fakalahi ʻe Siuta ʻa hono ngaahi kolo fakakolotaú.+
Ka te u tuku atu ha afi ki hono ngaahi koló,Pea te ne keina ʻa e ngaahi taua ʻo e kolo taki taha.”+
