Palōveepi 31:1-31
31 Ko e ngaahi lea ʻa Tuʻi Lēmiueli, ko e pōpoaki mafatukituki naʻe ʻoange ʻe heʻene faʻeé ke fakahinohinoʻi ʻaki ia:+
2 Ko e hā te u tala atú, siʻeku tama,Ko e hā, ʻe tama ʻo hoku manavá,Pea ko e hā, ʻe tama ʻo ʻeku ngaahi fuakavá?+
3 ʻOua naʻa foaki ho iví ki he kakai fefiné,+Pe muimui ʻi he ngaahi ʻalunga ʻoku ʻauha ai ʻa e ngaahi tuʻí.+
4 ʻOku ʻikai maʻá e ngaahi tuʻí, ʻe Lēmiueli,ʻOku ʻikai maʻá e ngaahi tuʻí ke nau inu uainePe ki he kau pulé ke nau pehē, “Ko fē ʻa hoku inú?”+
5 Koeʻuhí ke ʻoua naʻa nau inu pea ngalo ai ʻa e meʻa kuo tuʻutuʻuníPea pikoʻi ai ʻa e totonu ʻa e faʻahinga māʻulaló.
6 ʻOange ʻa e ʻolokaholó ki he faʻahinga ʻoku nau meimei ʻauhá+Mo e uainé ki he faʻahinga ʻoku ongoʻi mafasiá.+
7 Tuku ke nau inu pea ngalo ai ʻenau masivá;Tuku ke ʻoua naʻa nau toe manatuʻi ʻenau faingataʻaʻiá.
8 Lea hake maʻá e faʻahinga ʻoku ʻikai lava ke nau leá;Taukapoʻi ʻa e totonu ʻa e faʻahinga kotoa ʻoku nau meimei ʻauhá.+
9 Lea hake pea fakamaau ʻi he māʻoniʻoni;Taukapoʻi ʻa e totonu ʻa e māʻulaló pea mo e masivá.+
א [ʻAlefi]
10 Ko hai ʻe lava ke ne maʻu ha uaifi lavameʻa?*+
ʻOku mahuʻinga mamaʻo ange ia ʻi he maka feó.*
ב [Peta]
11 ʻOku falala kiate ia ʻa e loto ʻo hono husepānití,Pea ʻoku ʻikai te ne masiva ʻi ha meʻa ʻoku mahuʻinga.
ג [Kimela]
12 ʻOkú ne fai ange leva ki hono husepānití ʻa e meʻa ʻoku lelei, ʻo ʻikai kovi,ʻI he ngaahi ʻaho kotoa ʻo ʻene moʻuí.
ד [Tāleta]
13 ʻOkú ne maʻu ʻa e fulufuluʻisipi mo e līneni;ʻOkú ne fiefia ke ngāue ʻaki hono nimá.+
ה [Hē]
14 ʻOkú ne hangē ko e ngaahi vaka ʻa ha mēsianiti,+ʻI heʻene ʻomi ʻa ʻene meʻakaí mei he mamaʻó.
ו [Vau]
15 ʻOkú ne tuʻu hake foki lolotonga ʻoku kei poʻulí,ʻO tokonaki ʻa e meʻakai maʻa hono fāmilíMo e ngaahi ʻinasi maʻa ʻene kau kaunangá.+
ז [Saini]
16 ʻOku nofo ʻene fakakaukaú ʻi ha konga kelekele peá ne fakatau mai ia;ʻI heʻene ngāue pē ʻaʻaná* ʻokú ne tō ai ha ngoue kālepi.
ח [Keta]
17 ʻOkú ne teuteu ki he ngāue mālohi,*+Pea ʻokú ne ʻai ke mālohi ʻa hono nimá.
ט [Teta]
18 ʻOkú ne vakai ʻoku maʻu ʻa e tupu ʻi heʻene fakataú;ʻOku ʻikai ke mate ʻa ʻene māmá ʻi he poʻulí.
י [Iota]
19 ʻOku puke ʻe hono nimá ʻa e vaʻakau ʻoku ʻi ai ʻa e filó,Pea ʻoku piki ʻa hono nimá ki he vaʻakau takai filó.*+
כ [Kafa]
20 ʻOkú ne fakaaʻu atu ʻa hono ʻaofinimá ki he tokotaha māʻulaló,Pea ʻokú ne folahi atu ʻa hono nimá ki he masivá.+
ל [Lameta]
21 ʻOku ʻikai te ne hohaʻa fekauʻaki mo hono fāmilí koeʻuhi ko e sinoú,He ko hono fāmilí kotoa ʻoku nau vala māfana.*
מ [Mema]
22 ʻOkú ne ngaohi ʻa ʻene ʻufiʻufi mohenga pē ʻaʻana.
Ko hono valá ʻoku mei he līnení mo e fulufuluʻisipi vāletí.
נ [Nuna]
23 ʻOku ʻiloa ʻa hono husepānití ʻi he ngaahi matapā ʻo e koló,+ʻA ia ʻokú ne tangutu ai ʻi he haʻohaʻonga ʻo e kau mātuʻa ʻo e fonuá.
ס [Sameha]
24 ʻOkú ne ngaohi pea fakatau atu ʻa e ngaahi kofu* līneniPea tokonaki ʻa e ngaahi leta ki he kau mēsianití.
ע [ʻAini]
25 ʻOkú ne kofuʻaki ʻa e mālohi mo e ngeia,Pea ʻokú ne hanga atu ki he kahaʻú mo e falala pau.*
פ [Pē]
26 ʻOkú ne fakaava hono ngutú ʻi he poto;+Ko e lao ʻo e anga-ʻofá* ʻoku ʻi hono ʻeleló.
צ [Sati]
27 ʻOkú ne siofi ʻa e ngāue ʻa hono fāmilí,Pea ʻoku ʻikai te ne kai ʻa e mā ʻo e fakapikopikó.+
ק [Kofi]
28 ʻOku tuʻu hake ʻa ʻene fānaú ʻo fakavīkivikiʻi ia;ʻOku tuʻu hake ʻa hono husepānití ʻo fakahīkihikiʻi ia.
ר [Lesa]
29 ʻOku tokolahi ʻa e kau fefine lavameʻá,*Ka ko koe—ʻokú ke mahulu atu ʻiate kinautolu hono kotoa.
ש [Sini]
30 ʻE kākā nai ʻa e matamataleleí, pea ʻe mole vave* nai ʻa e fakaʻofoʻofá,+Ka ko e fefine ʻoku manavahē kia Sihová ʻe fakahīkihikiʻi.+
ת [Tau]
31 Foaki kiate ia ʻa e pale ki he meʻa ʻokú ne faí,*+Pea tuku ke fakahīkihikiʻi ia ʻe heʻene ngaahi ngāué ʻi he ngaahi matapā ʻo e koló.+
Fakamatala ‘i Lalo
^ Pe “ʻoku lelei ʻaupito?”
^ Sio ki he Lea mo Hono ʻUhinga.
^ Pe “ʻI he paʻanga mei heʻene ngāué.” Fakafoʻilea, “ʻI he fua ʻo hono nimá.”
^ Fakafoʻilea, “noʻo hono kongalotó ʻaki ʻa e mālohi.”
^ Ko e vaʻakau ʻoku ʻi ai ʻa e filó mo e vaʻakau takai filó ko e ongo vaʻakau ia naʻe ngāueʻaki ke vilohi mo ngaohiʻaki ʻa e filó mo e filo nití.
^ Fakafoʻilea, “vala lōua.”
^ Pe “ngaahi kofu loto.”
^ Pe “kata ki ha ʻaho ʻi he kahaʻú.”
^ Pe “Ko e fakahinohino anga-ʻofá; Ko e lao ʻo e ʻofa mateakí.”
^ Pe “ʻoku lelei ʻaupitó.”
^ Pe “ko e koto ngeʻesi.”
^ Fakafoʻilea, “Foaki kiate ia mei he fua ʻo hono nimá.”
