Saame 132:1-18
Ko ha Hiva ʻo e ʻAlu Haké.
132 ʻE Sihova, manatu kia TēvitaMo e kotoa ʻo ʻene faingataʻaʻiá;+
2 ʻA ʻene fakapapau kia Sihová,ʻA ʻene fuakava ki he Tokotaha Mālohi ʻo Sēkopé:+
3 “Heʻikai te u hū ki hoku tēnití, ki hoku ʻapí.+
Heʻikai te u tokoto ʻi hoku tokotoʻangá, ʻi hoku mohengá;
4 Heʻikai te u tuku ke mohe ʻa hoku matá,Pe tulemohe ʻa hoku laumatá
5 Kae ʻoua kuó u maʻu ha feituʻu moʻo Sihova,Ha ʻafioʻanga lelei* maʻá e Tokotaha Mālohi ʻo Sēkopé.”+
6 Vakai! Naʻa mau fanongo ʻo fekauʻaki mo ia ʻi ʻEfalata;+Naʻa mau ʻilo ia ʻi he feituʻu vaotaá.+
7 Tuku ke tau hū ki hono ʻafioʻangá;*+Tuku ke tau punou hifo ʻi hono tuʻunga-vaʻé.+
8 Tuʻu hake, ʻe Sihova, ʻo hāʻele mai ki ho mālōlōʻangá,+ʻA koe mo e ʻAʻake ʻoku fakahāhā ai ho mālohí.+
9 ʻOfa ke fakateungaʻaki hoʻo kau taulaʻeikí ʻa e māʻoniʻoní,Pea ʻofa ke kaila fiefia ʻa hoʻo kau mateakí.
10 Koeʻuhi ko hoʻo sevāniti ko Tēvitá,ʻOua te ke siʻaki* hoʻo tokotaha paní.+
11 Kuo fuakava ʻa Sihova kia Tēvita;Ko e moʻoni heʻikai te ne taʻefakahoko ʻene folofolá:
“Ko e taha ho hakó,*Te u fakanofo ia ki ho taloní.+
12 Kapau ʻe tauhi ʻe ho ngaahi fohá ʻeku fuakaváPea mo ʻeku ngaahi fakamanatu ʻoku ou akoʻi kiate kinautolú,+Ko honau ngaahi fohá fokiTe nau nofo ʻi ho taloní ʻo taʻengata.”+
13 He kuo fili ʻe Sihova ʻa Saione;+Kuó ne holi ke ʻai ia ko hono ʻafioʻanga:+
14 “Ko hoku mālōlōʻangá eni ʻo taʻengata;Ko ia te u nofo aí,+ he ko e meʻa eni naʻá ku holi ki aí.
15 Te u tāpuakiʻi lahi ia ʻaki ʻa e meʻakai;Te u fakamākona ʻa hono kau masivá ʻaki ʻa e mā.+
16 Te u fakateunga ʻa hono kau taulaʻeikí ʻaki ʻa e fakamoʻui,+Pea ʻe kaila fiefia+ ʻa ʻene kau mateakí.
17 Te u ʻai ʻa e mālohi* ʻo Tēvitá ke tupu ʻi ai.
Kuó u teuteu ha maama maʻa ʻeku tokotaha paní.+
18 Te u fakateunga ʻa hono ngaahi filí ʻaki ʻa e meʻa fakamā,Ka ko e kalauni ʻo hono ʻulú ʻe ngingila.”+
Fakamatala ‘i Lalo
^ Pe “Ha tāpanekale fisifisimuʻa.”
^ Pe “tāpanekale fisifisimuʻá.”
^ Fakafoʻilea, “fakasītuʻaʻi.”
^ Fakafoʻilea, “ʻi he fua ʻo ho manavá.”
^ Fakafoʻilea, “meʻatui.”
